L -[• S P. F. Jay, Vicaire gênerai et Officiai

Nous, Jean Claude Jarsellat Bébin, Docteur es Droicts, Chanoine de l'église Cathédrale S* Pierre de Genève, Officiai a la partie de France de l'Evesché, Attestons, a tous quil appartiendra, avoir veu douzes cayers, tant gros que petits, et avoir bien recogneu iceux avoir estes escripts de la main propre de feu Illustrissime et Reverendissime François De Sales, vivant Evesque et Prince de Genève ; dans lesquels cayers est traicté de plusieurs poincts de controverses contre les hérétiques de nostre temps, et particulièrement touchant l'authorité de nostre Sainct Père le Pape. De plus, avoir veu trois aultres cayers escripts par aultre main, sauf trois pages par nous recognues estre escriptes par la main dudict feu Reverendissime Evesque, lesquels cayers traictent aussi desdites controverses. En foy de quoy avons soubsigné, et apposé nostre seel ordinaire.

Annecy, le huictiesme septembre, mille six cent cinquante huict. L + s Jarsellat Bébin, Officiai.

Nous, Don Charles François Chastenoux, Docteur en Théologie, Prévost des Révérends Pères Barnabittes fondés en la ville de Thonon dans la Duché de Chablais, Attestons, a tous qu'il appartiendra, avoir veu douzes cayers, tant gros que petitz, et avoir bien 'econuz iceux avoir estes escritz de la propre main et caractère le feu Illustrissime et Reverendissime François De Sales, vivant ivesque et Prince de Genève, dans lesquelz cayers est traicté de

39^ Attestations d'authenticité

plusieurs poinctz de controverse contre les hérétiques de nostre temps, et particulièrement touchant l'auctorité de nostre Sainct Père le Pape. Attestons encor avoir veu trois autres cayers escritz par autre main que la siene, a la reserve de trois pages par nous reconues avoir esté escriptes par la propre main du dict François De Sales, lesquelz cayers traictent aussy de semblables controverses contre les hérétiques. En foy de quoy nous avons soubsigné la présente attestation de nostre propre main, avec apposition de nostre seel ordinaire.

Tonon, le treziesme septembre, mille six cent cinquante huict.

Don Charles François Chastenoux,

Prévost des Pères Barnabittes de Tonon en Chàblais. L t S