IX
100 Les Controverses
nuira point, et par l'imposition des mains ilz guériront ' (Marc, uit., 17, les malades *. Considérons, je vous prie, de près ses ' '^ paroles . i . Il ne dict pas que les seulz Apostres
feroient ces miracles, mais simplement ceux qui croiront. 2. Il ne dict pas que tous les croyans en particulier feroient des miracles, mais que ceux qui croiront seront suivis de ces signes. 3. Il ne dict pas que ce fust seulement pour dix ans, ou vingt ans, mais simplement que ces miracles accompagneront les croyans. Nostre Seigneur donques parle aux Apostres seulement, mais non pour les Apostres seulement ; il parle des croyans en cors et en gênerai, a sçavoir, de l'Eglise ; il parle absolument, sans distinction de tems. Laissons ces saintes paroles en l'estendue que Nostre Seigneur leur a donnée : les croyans sont en l'Eglise, les croyans sont suivis de miracles, donques en l'Eglise il y a des miracles ; il y a des croyans de tous tems, les croyans sont suivis de miracles, donques en tous tems il y a des miracles.
Mais voyons un peu pourquoy le pouvoir des miracles fut laissé en l'Eglise : ce fut sans doute pour confirmer la prédication evangelique ; car saint Marc le tesmoi-
* (Heb., II, 4.) gne, et saint Pol, qui dict * que Dieu donnoit tesmoi-
gnage a la foy qu'il annonçoit, par miracles. Dieu mit
* (Exod., IV.) en main de Mo3^se ces instrumens affin qu'il fust creu *,
dont Nostre Seigneur dict que s'il n'eust faict des mira-
* (joan., XV, 24.) clés Ics Juifz n'cusscnt pas esté obligés de le croire *.
Or sus, l'Eglise doit elle pas tousjours combattre l'infidélité ? et pourquoy donques luy voudries vous oster ce bon baston que Dieu luy a mis en main ? Je sçay bien qu'elle n'en a pas tant de nécessité qu'au commencement ; après que la sainte plante de la foy a prins bonne racine on ne la doit pas si souvent arrouser ; mais aussi, vouloir lever en tout l'efifect, la nécessité et cause demeurant en bonne partie , c'est très mal philosopher.
Outre cela, je vous prie, monstres moy quelque saison en laquelle l'Eglise visible aye esté sans miracles, des qu'elle commença jusqu'à présent. Au tems des Apostres
