LIV. Pour le mercredi des Cendres

Donques, pendant cette conférence un des Religieux qui avoit fait deux nattes en un jour, vint les estendre au soleil en la présence de tous ces Pères. Ceux cy le virent bien, mais pas un ne pensa pourquoy il faisoit cela, car ils n'alloyent point picotant sur les actions des autres ; ils creurent donques que leur Frère faisoit cela tout simplement ; aussi n'en tirerent-ils aucune conséquence. Ils ne censuroyent point les actions d'autruy, ils n'estoyent pas comme ceux qui vont tousjours espluchant les faits du prochain, faisant sur tout ce qu'ils voyent des livres, des commentaires et des interprétations.

Ces bons Religieux ne pensèrent donques rien de celuy qui estendoit ainsy ses deux nattes ; mais saint Pacome, qui estoit son Supérieur et à qui seul il appartenoit d'examiner le mouvement qui le poussoit, entra un peu en considération miv cette action ; et comme Dieu donne tousjours sa lumière à ceux qui le servent, il luy fit connoistre que ce Frère estoit conduit par un esprit de vanité et de complaisance pour ses deux nattes, et qu'il avoit fait cela à fin que luy et tous les autres Pères vissent qu'il avoit bien travaillé ce jour-là. Voyez-vous, ces anciens Religieux gaignoyent leur vie du travail de leurs mains, ils s'employoient non point à ce qu'ils vouloyent ou aymoyent, mais ouy bien à ce qu'on leur ordonnoit; ils exerçoyent leur corps par le travail manuel, et l'esprit par la prière et oraison, joignant ainsy l'action avec la contemplation. Or, leur occupation plus ordinaire estoit de tresser des nattes et chacun en devoit faire une par jour ; le Frère dont nous parlons en ayant fait deux pensoit pour cela estre plus vaillant que les autres, c'est pourquoy il les vint estendre au soleil devant tous à ce qu'on le conneust. Mais saint Pacome, qui avoit l'Esprit de Dieu, les luy fit jetter au feu et demander à tous les Religieux de prier pour celuy qui avoit travaillé pour l'enfer ; puis il le fit mettre cinq mois en prison pour pénitence de sa faute, à fin de servir d'exemple aux autres et leur apprendre à faire leurs œuvres avec humilité.

Que vostre jeusne ne ressemble point à celuy des

192 • Sermons recueillie

hypocrites, qui font les mines mélancoliques et qui n'estiment saints que ceux qui sont maigres. Grande folie que celle cy ! comme si la sainteté consistoit en la maigreur. Certes, saint Thomas d'Aquin n'estoit point maigre ains bien gros ; et si, toutefois il estoit saint. De mesme plusieurs autres, qui n'estans pas maigres ne laissoyent pas d'estre grandement austères et excellens serviteurs de Dieu. Mais le monde, qui ne regarde que l'extérieur, ne tient pour saints que ceux qui sont pasles et desfaits. Voyez-vous un peu que c'est de l'esprit humain : il ne considère que l'apparence et, comme vain, fait toutes ses œuvres pour paroistre devant les hommes. Or, dit Nostre Seigneur, ne faites pas comme ceux-là, ains que vostre jeusne se fasse en secret, pour les yeux de vostre Père céleste, et il vous regardera et recompensera.

C'est icy la troisiesme conaition requise pour bien jeusner, à sçavoir, de regarder Dieu et de faire tout pour luy plaire, nous enfonçant en nous mesmes à l'imitation

* Vide Vitam S. d'un grand Saint *, lequel se retira en un lieu secret et joa?.Diac^,§xLiv; Gscarté OU il demeura quelque temps sans qu'on sceust Vitas Patr., 1. X, q^ j]^ estoit, sc Contentant que le SeiQ"neur et ses Ancres