Ruses

d'EUTRAPEL. 221

le vent ', qui sera occasion que tout à un coup vous cracherez dans le bacin ^ tout ce que vous avez jamais humé et desrobé, comme faisoît l'Empereur Vespasian, qui disoit ses receveurs ressembler une esponge^ laquelle s'enfle dedans l'eau, et en prend si grand' quantité qu'après en l'estraignant elle laisse tout et devient seiche : ain^ il souffroit ses trésoriers se perdre au milieu des finances, et icelles desrober, puis tout à un coup leur faisoit rendre son argent, outre les grosses amendes extraordinaires, en quoi il les laisoit condamner, dont ils estoient ruinez et accablez eux et leur postérité : Quoy que ce soit, si Dieu te laisse demeurer pour quelque temps en tes tromperies et meschancetez, comme souvent il le permet par ses obscurs jugemens, tu te peux bien résouldre en ce point, que toy ou tes enfans satisferez quelque matin à telles injustices et desloyautez.

Crœsus paya le péché de son ayeul 3, lequel ayant, tué son maistre et violé sa femme, tomba selon la Justice de Dieu, misérablement entre les mains de Cyrus son ennemy. Ceux de Corcyre interrogeant Agathocles, pourquoy tant furieusement il auroit assailly, puis gasté leur pays : Rien .plus ne respondit, fors gue autresfois ils avoient recueilly et faict plaisir à Ulysses