Se ménagera

5. Embarrasser. Rabelais a employé le mot qu'il n'a point inventé.

6. Galloys signifie enclin au plaisir. Le chevalier de la Tour Landry a consacré le chapitre 122 de son Livre pour l'enseignement de ses filles aux Galoys et galoyses.

ET FACECIEUX. 25

des coups, disans : Cestuy ci dance bien; le père d'un tel estoit le meilleur danceur du pais; un tel avoit deffié, les jours passés, tous ceux de Vindelles à dancer. La dance finie, recommençoient de plus belle à dringuer' et boire haut et net sans se blesser : puys après s'estre chauffez, si bon leur sembloit, alloient voir Quelque pré ou champ bien accoustré ; là d'orainaire se asseoient pesle mesle jeunes et vieux ; fors (qu'il ne fault pas mentir) que les anciennes personnes avoient (comme bien estoit raisonnable) les plus honorables places entre les gens de bien. Lors quelcun des plus vieux, à la requeste de ses coëvaux, commençoit à haranguer les jeunes gens, où avoit telle audience que a celuy qui, estant venu de quelque pais estrange, veult conter quelque nouveauté. Je vous prie (dist Pasquier) si le reste de la compagnie le trouve bon, traiter les points principaux de ceste harangue : estant asseuré qu'ilz disoient quelque cas de bon. Maistre Huguet vouloit s'eschapper, disant : Qu'il en avoit dit à la traverse ce qu'il avoit peu, et qu'un autre prinst les fonts ; mais par importunes requestes fut contraint achever, disant : Puis que laire le faut, et qu'il n'y a ordre ne remède d évader, je vous diray à peu près la teneur de l'oraison, laquelle le plus ancien et de meilleur sçavoir, comme j'ay dit, commençoit, disant :