I . Claquant ou grinçant

ET FACECIEUX. 99

ceux qui au paravant estoient les plus vaillants et les plus hardis, comme maistre Pierre, furent les premiers qui tombèrent en la fosse susmentionnée, où de fortune l'eaue estoit petite, car autrement ilz estoient perdus, et n'en eschappa aucun qui ne feist Tamende honnorable et qui n'en eust tout son saoul (a). Ce [temps] pendant Mistoudin et Brelin, rians assez bas, amassèrent leurs bribes et s'en allèrent à leurs hostels, vengés et riches de la queste des adversaires. Les povres Haguillenneufs, pensans d'assurance estre morts, furent trois ou quatre heures les uns sur les autres sans oser bouger. Toutesfois sur le poinct du jour, un peu asseurés, commencèrent à sortir, premier neantmoins mettant le bout du nés, regardans s'ilz verroient rien, puis peu à peu deçà et delà examinoient les chemms. Et me souvient voir un fugitif, qui estant caché et cherché par une douzame de Sergens, et lors qu'ils s'en sont allez, on lui vient dire : Monsieur, les clients s'en vont; toutesfois, non asseuré de la peur conçue, n'ose monstrer du premier coup que la teste, regardant encores s'il y a point de finesse. De cette cassade {b) en fut faite une chanson à sept parties, qu'on chantoit bien mélodieusement auprès du feu, à la grande confusion des Vindellois, lesquelz le dimenche ensuyvant firent un Monitoiie de ceux ou celles qui auroient point prins certaines poches et autres tels bagages. Et d'une mesme raison et pareil interest en fist un autre Mistoudin de ceux qui Tavoient battu. De tout

a. Var. : Faix.

b. Var. : Ruse.

100 Propos rustiques

quoy leur en fut baillé acte, et sur ce, plaiaoierent longuement, et est encore par défaut de suyte le procès indécis et au croc, qui (ainsi que je pense) sera vuydé aux grands jours futurs (a). Et est ce que je voulois dire touchant les quereles des Vindellois : si vous en savez davantage, dites, car je n'en sçay autre. Sur mon Dieu (aist lors Pasquier) voylà bonne petite vengeance et de bon esprit. Ha ! j'ose bien dire que ceux de Flameaux et Vindellois {b) ne seront jamais amys, car tousjours s'entrefont quelque fredaine, et y a toujours quelque procès entre eux. Voyezvous pas encores aujourd'hui Guillot le Bridé et Philipot l'Enfumé à grand débat ? je les escoutois avant hier, mais c'est un grand triomphe (c) . Je vous prié (dist Lubin) que vous contiez tout du long, car ce sont deux bonnes testes. Par mon serment (dist Pasquier) vous n'en serez pas refusé, compère. Vous avez bien congnu le père de Philipot.? C'est mon (dist Lubin) un homme bien notable et bon preudhomme. Par mafoy (respond Pasquier) il avoit un autre filz'. Cela n'est point à propos, venez au point (dist Lubin) auquel responait Pasquier qu'il en estoit content et qu'il avoit grand haste. Hoo (feit Lubin) j'en sauray plus pour rien d'avec Philipot, que vous ne feriez pour un liard. Escoutez

a. Var. : Aux grands jours de Rion.

b. Var. : Vindelles.

c. Var. : Mais est un triumphe.

I. L'éd. de 1549 ajoute : frère de Philippot, aagé de auatrevingts ans ou plus et lorsau'il le veit mort, sans en faire aucun semblant dist : Je disois toujours bien que ce garçon ne vivrait ja.

ET FACECIEUX. lOI

donc (^] (dist Pasquier) et me pardonnez, car il falloit dire ce petit mot. Ha, vous ne mengerez jamais rien froid, [car] vous estes trop hastif.

Qaereles entre Guillot le Bridé et Philipot

l'Enfumé,

Du village de Vindelles fut eslu pour francarcher Guillot le Bridé, tant pour sa hardiesse, mesmes au plat, que pour la grandeur de corps : car beau Mastin estoit, s'il eut voulu mordre et courir après le loup, et croy aussi qu'il estoit .gentilhomme, à caUse d'un pré que son père vendit, et portoit en ses armes une escuUée ' de choux, billettée » de lard. Ce vénérable et discret Guillot, un jour estant à sa garnison (pource que les Canarriens faisoient mine de descendre) et là ne feit pas grands armes, et ne servit que de nombre, s'advisa que si le decours passoit, que sa porree tarderoit beaucoup à planter, en quoy seroit trop lourdement intéressé : et pour obvier à tous et chacuns les inconveniens qui en eussent peu venir, sans prendre congé de son Capitaine, alla faire sa besongne, et payer quelques arrérages qu'il devoit à sa femme, ou pour rien ne se vouloit laisser

a. Var. : Or, escoutez,