D'écrou

d'Eutrapel. 177

Le papier, gettons, plume, et ancre aportez, commencèrent à batre fort et ferme sur leur compte, et principalement en quelques dinerset colations que luy mescontoit le Geôlier, ainsi qu'il disoit. Le geôlier se defendoit de l'ordonnance des prisons, par laquelle la serviette tient le lieu et place des absens. Le condamné repliquoit cela avoir lieu seulement aux hosteleries, lors qu'on a dit au matin qu'on viendroit disner ou souper : Il ne rabatoit point les gibiers que sa femme luy avoit envolez. En tout événement, Messieurs, parlant aux Commissaires, qui luy avoient prononcé l'Arrest de mort, y eschet compensation : mes héritiers n'ont que faire de telle dispute, je ne veux point qu'on crie sur m.es actions quand je seray mort. Tandis le bourreau estoit derrière, qui luy chatoilloit le collet de sa chemise, luy attachant une corde au col, avec plusieurs oraisons et suffrages, dont il solicitoit ce pauvre contable à remercier les saints et terribles jugemens de Dieu. Ha vertu sans jurer ', dit il, monsieur nostre maistre, que tu m'as fait grand' peur avec tes mignardises. Mon amy, disoient les Commissaires, laissez telles folies, pour recongnoistre vos fautes, les accusez devant ce haut Dieu, qui est pront à pardonner, pourveu qu'on y procède sans feinte, et en saine conscience, avec la restitution des biens mal acquis. Comment 't Messieurs, disoit le condanmé, nous ne sommes en débat de cela : je demande que mon hoste le geôlier cy présent paie pinte, pour avoir conté sans vin, contre les

1 . Pour ne pas dire Vertu Dieu qui eût été un juron. Du Fail II 1 2

lyS Contes et Discours

statuts de toutes prisons et hosteleries, et avoir esté de tout temps immémorial ainsi observé, gardé, et jugé en jugement contradictoire. Resolution, il fallut qu'il beust, et escrivit encore trois ou quatre paires de lettres, qu'il ferma, cacheta, et recommanda au messager, comme s'il eust attendu la responce : et disoit aux petits garçons qui couroient, et le conduisoient au supplice, Infantes ne vous hastez ja, aussi bien ne ferez vous rien sans moy ' : voiez Tasseurance melancholique, et digne estreadjoustee au chapitre huictiesme du troisiesme livre de Valere le Grand. L'on dit que Cneus Carbo^, l'un des lieutenans de Marius, prins en Sicile, et comme on le menoit au gibet, demanda congé d'aller à ses affaires. J'eusse chié en mes chausses, dit Eutrapel, et puis eusse dit que ce fust esté Lupolde. Seneque aussi dit lors que Cavius Julius escoutoit sa sentence de mort contre luy, donnée par Jules César, il jouoit aux eschets avec un sien amy, auquel il dit. Savez vous que c'est, n'allez pas dire quand je seray mort, que vous m'avez gaigné : et me serez tesmoins, (parlant aux assistans) que j'ay plus beau jeu que luy.

D'un apothicaire d'Angers 5.

n la ville d'Angers y avoit, dit Polygame, un Apoticaire nostre voisin, qu'on appelloit