I. Mis

222 Contes et Discours

disoit il, de voir à l'œil les pensées, projets, et fantasies qui bouillent et se remuent au fond et creux d'iceluy, dont naissent et sont engendrez ces effets, comme dit Lucian, de tirer ses moustaches, mordre ses lèvres, cracher à quartier, accoustrer sa barbe, et en haussant le menton, nourrissant et couvant à ce moyen la vengeance, colère, et haine secrette, qui fait dire l'un, et penser l'autre, saluerbienbasd'une façon joyeuse et comique, et cependant au milieu de l'entendement graver infinispourtraits de trahisons et meschancetez. De ma part j'ay tousjours estimé que la plus grande finesse qui puisse estre en ce monde, estre, aller rondement à besongne, vivre comme Ton entend d'un esprit joyeux et non troublé, ne jurer en Tame comme l'on dit) de personne, et ne se fourrer que bien peu, et em.brasser trop opiniastrement les affaires d'autruy, estre homme véritable, et tenir fermement sa parole, regardant deux, voire trois fois à ce qu'on promet, de peur n'y faillir, et consequemment se rendre infâme, menteur et deshonnoré aux gens de bien et honneur, la response trop songearde, com.me font ces faiseurs de mines à cheval : autrement et faisant le contraire, tournant ainsi à toutes legeretezet conseils, ondemeureroit assez perplex, confus, et académie pour ne rien entreprendre. Comme de Timon, cest insigne et beau haisseur d"homm,es, qui tant envieusement mangea son pain seulet. Conclusion,' la devise d'un grand Juge de nostre temps, Ha bonne grâce, fay ce que ta dois, arrive ce qui pourra ' ; et celle de Paracelse,

I. Fais ce que tu dois, aàviegne que pourra était déjà proverbe au xv' siècle.

d'Eutrapel. 223

Alterius non sit, qui suus esse potest,

Ne soit point à l'autruy qui peut estre à soymesme :

Et faut donner ordre que tout ce que nous dirons, ferons, et penserons soitreigléau Commandemens de nostre Seigneur, et par tout véritable, sans flaterie, ne dissimulation. Vitruveà ce propos dit que Ptolomee Philadelphe après avoir dressé cette admirable Librairie en la ville d'Alexandrie , pour y avoir amassé sept cens mille volumes, il introduisit aussi des jeux solennels à tous les ans, en l'honneur d'Apollo et des Muses, avecques de grands joyaux ' establis à ceux qui auroient le mieux fait et composé en Poésie. Il y avoit sept Juges pour cest effet, les six desquels furent d'opinion que ceux qui avoient mieux dit et chanté au gré du peuple, eussent les dons : le septième, appelle Aristophanes, ayant eu longuement la charge de ceste somptueuse Bibliothèque et Librairie, adjugea le prix à celuy qui avoit depleu au peuple. De laquelle opinion furent grandement indignez et le Prince et les autres Juges, jusques à ce que Aristophanes estant en pieds et debout, prononça hardiment qu'iceluy auquel il avoit donné sa voix, estoit vray et natui-el Poëte, que les autres n'avoient chanté quevers estrangers et empruntez, et qu'ils n'avoient composé. Ce qu'il vérifia prontement et sur le champ, par la conférence des livres de la Librairie. Quel jugement ainsi sans dissimulation bravement donné, et soustenu de mesme,