Bon vivant

ET FACECIEUX. 4}

sans autre (respondit Lubin) et estoit vostre cousine remuée d'une busche, et ce par devers la paille (a). Pour revenir, la bonne femme ayant un pot en sa main, commençoit comme par force à y aller, disant qu'il avoit tousjours cinq solz ou soif; et qu'elle pensoit fermement qu'il eust un charbon au ventre, et que hardiment une autre fois ne retournast pas; car plustost creveroit de soif qu'elle daignast faire un pas. Je voudrois bien (dist lors Pasquier) que la femme de chez nous m'eust tant contesté, je crois que Martin baston trotteroit. Vous dites vray, respondit Lubin, si à chacune injure que me dit ma femme je lui donnois un coup de baston, il y a plus de dixneuf ans qu'il ne seroit nouvelle d'elle. Mais escoutez comme elle lui disoit que tousjours estoit sa coustume de l'embesongner à luy aller quérir à boire, et qu'il n'y sauroit envoyer un autre, pource qu'il voyoit bien qu'elle estoit empeschee à dévider du fil meslé et qu'elle voudroit qu'il fust en gage de ce qu'il luy faloit. Robin ne la voulant contrarier, disoit qu'il ne luy en chaloit, mais qu'il beust; et s'efforçoit de luy complaire, disoit que peu luy demandoit à boyre, et que c'estoit une fois entre cent, et que une fois n'est pas coustume; outre, que si elle vouloit tousjours ainsi tencer, il aymeroit mieux aller boire à la rivière, la priant à jointes mains qu'elle ne lui fist tant acheter, ou que, par sa foy, s'en iroit le lendemain chez la musniere, qui tenoit taverne à Noyai, où là meneroit leur diseur de

a. Var. : La couette, mot encore usité en Normandie et dans le Berry pour signifier un lit de plume, un matelas, une paillasse.

44 Propos rdstiqjjes

salutz {a) pour chanter tout leur saoul, et qu'il aymeroit autant estre jenesçayoù. Surquoyelle luy respondoit qu'elle ne s'en soucioit gueres, et que c'estoit bien sa coutume; mais (au moins) le prioit, qu'il ne la voulust battre quand il seroit yvre, comme luy estoit chose bien accoustumee, et qu'elle se esbahissoit qu'il n'avoit honte. Ha par ma vie (disoit lors Robin, voyant qu'il ne la pouvoit avoir par force) j'aimerois mieux estre en enfer (b), ma Janne; à qui Dieu veult ayder, sa femme se meurt. Allez, m'amye, allez; que le meilleur des diables vous rompe le col(c), vous asseurant que j'aymerois mieux avoir mangé une chartee de foin pour crever, que tant languir. La bonne femme, rechignant comme celuy à qui on pense une bosse chancreuse et seringue une chaudepisse, troussoit ses agoubilles ' pour aller tirer du vin, avec protestation qu'elle tirast de celuy d'auprès le mur, et qu'elle ne feignist à l'emplir; parce que Roulet Lambin (d) estant survenu, demandant une coingnee . à prester, boyroit bien. Elle revenue leur bailloit le pot, comme par despit; surquoy ilz se ruoyent si brusquement qu'il ne sembloit pas qu'une mousche y eust beu2. Elle voyant, disoit que s'il eust esté honneste homme, lui eust pour le moins offert le verre; neantmoins qu'elle ne l'eust pas prins, et que hon-

a. Var. : Où là meneroit Dam Armel Augier oh boiroient tout leur saoul.

b. Var. : Je ne sçay ou.

c. Var. : que Dieu vous fasse la teste mieux couverte.

d. Var. : Lambart.