DE VILLON ET DE LA GROSSE MARGOT

Se fayme et sers la belle de bon hait,

M'en devez vous tenir à vil ne sot?

Elle a en soy des biens à fin souhait.

Pour son amour sains bouclier et passot.

Quand viennent gens, je cours et happe ung pot: 1595

Au vin m'en fuiz, sans démener grand bruit.

Je leur tens eau, frommage, pain et fruit,

S' Hz paient bien, je leur dis: ,,Bene stat:

Retournez cy, quand vous serez en ruit,

En ce bordeau où tenons nostre estât!'' 1600

Mais, adoncques, il y a grant deshait.

Quant sans argent s'en vient coucher Margot;

Veoir ne la puis; mon cuer à mort la hait.

Sa robe prens, demy saint ou surcot:

Si luy jure qu'il tiendra pour lescot. 1605

Par les costés se prent; c'est Antecrist;

Crie et jure, par la mort Jhesucrist,

Que non sera. Lors j'empongne ung esclat:

Dessus son nez luy en fais ung escript.

En ce bordeau où tenons nostre estât. 1610