CONTRE LES ENNEMIS DE LA FRANCE

Rencontré soit de bestes feu gectans,

Que Jason vit, querant la toison d'or;

Ou transmué d'homme en beste, sept ans,

Ainsi que fut Nabugodonosor; 135

Ou perte il ait et guerre aussi villaine

Que les Troyens pour la prinse d'Helaine;

Ou avallé soit avec Tantalus

Et Proserpine aux infernaulx pallus,

Ou plus que Job soit en griefve souffrance, 140

Tenant prison en la tour Dedalus,

Qui mal vouldroit au royaulme de Francel

V. 126. L. vérité die. C. P. rétablit vous d'après le ms. de Stockholm.

Quatre mois soit en ung vivier chantans,

La teste au fons, ainsi que le butor;

Ou au Grant Turc vendu deniers contans, 145

Pour estre mis au harnoiz comme ung tor:

Ou trente ans soit, comme la Magdalaine,

Sans drap vestir de linge ne de laine;

Ou soit noyé, comme fut Narcisus,

Ou aux cheveulx, comme Absalon, pendus, 150

Ou comme fut Judas par Desperance,

Ou puist périr comme Simon Magus,

Qui mal vouldroit au royaulme de France!

D'Octovien puist revenir le tems:

C'est qu'on luy coule au ventre son trésor; 155

Ou qu'il soit mis entre meules flotans

En ung moulin, comme fut saint Victor;

Ou transglouty en la mer, sans aleine.

Pis que Jonas au corps de la baleine;

Ou soit banny de la clarté Phebus, 160

Des biens Juno et du soûlas Venus,

Et du dieu Mars soit pugny à oultrance,

Ainsi que fut roy Sardanapalus,

Qui mal vouldroit au royaulme de France I

Prince, porté soit des serfs Eolus 165

En la forest où domine Glaucus,

Ou privé soit de paix et d'espérance.

Car digne n'est de posséder vertus

Qui mal vouldroit au royaulme de France!

V. 143, 145. L. chantant, contant G. P. corr. — v. 151. L. desperance. cf. E. Roy, Le Mystère de la Passion en France du XlVe au XV le siècle (p. 84* Note 8). — 154. L. puisse venirv. H^. puist rev. — V. 159. v. W. Comme Jonas.

Poésies diverses. 105