A MAISTRE NOEL ALIBERT, LYONNOIS

Deux cordeliers, avec deux jaccopins ('), En un batteau veis qui passoient la Saône , Semblans deux sacz entre deux gros tuppins, Depuis le pont, tant leur blason consonne. Le battelier, bien dévote personne, Prioit , disant : « Si ces âmes diverses De noz conventz, professes ou converses, Se perdent cy en ce val terrien, Helas ! mon Dieu ! n'en ayons controuverses : Nul bien n'en vient; ne m'en demande rien! »

A MADAME LA SENESCHALE DE POICTOU (a).

Doubteux Esmoy, qui parler m'a contrainct, Mon povre espoir voudroit bien divertir; Il le harie, il le serre et estrainct. Et voluntiers le feroit repentir De ce qu'il vint jamais à consentir