ENVOY

PAR JaCQJJELINE DE StUARD, LYONNOISE.

Oquel effort cruel et dangereux Quand contre amour amour faict resistence! 0 que celuy est vrayment malheureux Qui contre soy ha soy mesme en deffense ! Je sens en nioy ceste grand'violence , Estant contrainte à autre m'addresser; Mais qui pourroit de cela me presser, Vu que changer n'est point à mon usage? Amour luy même, il me le faict laisser, Pour me venger de son tort et oultrage.

Réponse.

Le cueur qui dict qu'à changer le contrainct Contraire amour d'amour n'a connoissance ; Car qui bien ayme à bien aymer s'astrainct, Doubtant d'Amour la cautelle et puissance.

Il est si fin , ce dieu de jouyssance , Que , comme il sçait par semblans attrapper, Ainsi il feinct de laisser eschapper La proye, afin d'esprouver sa constance; Mais, s'elle cuyde enfin s'émanciper, H a pour elle assez de résistance.