SCÈNE TROISIÈME
DAVUS, seul.
Pour certain, Davus , mon amy, Pas n'as besoing d'estre endormy, Ny nonchalant à ton affaire :
Car tu vois bien en quelle part T'a tenu propos ce vieillart Touchant ces nopces qu'il veult faire.
Si tu n'y pourvois finement , Toy et ton maistre entièrement Etes perdus et malheureux, Mais pour tout jamais. Somme toute , Je me treuve en fort grand doute Auquel j'obéiray des deux :
Ou à Pamphile, et luy aider; Ou au vieillart , et me garder.
D'une part je voy aujourd'huy Que, si mon Pamphile je laisse, Il en prendra si grand' tristesse Qu'il en pourra mourir d'ennuy.
D'autre part , aussi je regarde , Si je le fais, je me hazarde : Simo ne m'en pardon'ra rien ; Et si est par trop difficile Qu'il soit deceu , car de Pamphile Déjà l'amour congnoît bien ;
L'Andrie. Acte I. 211
D'autant qu'il craint que je luy dresse En ces nopces quelque finesse , Il est au guet incessamment.
En efFect, s'il s'en aperçoit, C'est fait de moy. Mais encor soit Que je n'y pense aucunement, S'il en a le moindre soupson , Droit ou tort , sans autre raison , Il m'envoyra droit en galère.
Encore, aveq cette infortune, Il nous en vient, de surcroît, une Qui gaste bien nostre mistère :
Cette jeune femme estrangère , Ou la femme , ou la chamberière De mon maistre, est grosse de luy.
Mais entendez, je vous supplie, Un petit la grande folie De ces jeunes gens d'aujourd'huy.
Vraiment l'entreprise tesmoigne Plustôt son fol ou son yvroigne
Qu'elle ne fait son amoureux :
L'enfant qu'elle aura, filz ou fille,
Doit estre nourry par Pamphile ,
Hz l'ont délibéré entre eux;
Et puis , maintenant , s'il vous plaist ,
Hz feignent que bourgeoise elle est
D'Athènes , et viennent à dire
Qu'un vieil marchand , jà longtemps a,
Par tourmente de mer, briza
Près l'isle d'Andros son navire :
Le povre marchand y mourut.
Et , quant à sa fille , qu'ell' fut
Jetée à bord par la marine.
Le père de Chrisis, qui vit
212 B. Des Periers.
Cette garsette là , la prit Et receut comme une orpheline.
Abus, abus! de moy jamais Je ne le pourrois croire; mais Il leur plaist de le dire ainsi...
Ho! je voy là la macquerelle De nostre bonne damoiselle , Qui en sort; je m'oste d'icy, Et vais voir si je verray point Pamphile , pour, de point en point , L'advertir de ce que j'ay veu , Afin au moins qu'il délibère De son affaire , que son père Ne le surprenne à despourvu.