SCÈNE PREMIÈRE

CHREMES, SIMO.

CHREMES.

Or, Simo, pensez Qu'assez , plus qu'assez J'ay pour vosire affaire,

276 B. Des Periers.

Par le passé , fait

Autant , en effect ,

Qu'on ne sauroit faire :

Hazardé me suis,

Dire je le puis,

Par trop cy devant,

Plus que ne feray;

Ouie, je rêveray

Bien dorénavant !

Cessez donc pourtant

De m'en prier tant ,

Compère : aussi bien ,

(Quoique m'en priez

Ni m'en suppliez),

Je n'en feray rien.

Pour plaisir vous faire

Et cuider complaire ,

Ma fille ay baillée ,

Quasi en danger

(Sans mal y songer)

D'en estre affolée.

siMO. Las ! je vous veux, au contraire, prier,. Et supplier, que le propos premier Entretenez, comme m'avez promis, Et qu'à présent en effet il soit mis.

CHREMES. Mais considérez

Combien vous errez,

Cherchant seulement

Moyen de parfaire

Ce que voulez faire,

Sans savoir comment :

Car vous n'avez point D'honneur un seul point En vostre requeste ;

L'Andrie. Acte V. 27:

Et si n'entendez Ce que demandez , Tant estes moleste !

Je croy bien que si Y pensiez, qu'aussi Vous, par aventure, Pourriez bien cesser De me pourchasser D'une telle injure.

Injure ! comment ?

Injure vrayment :

Premier, pour remettre Ce fol de Pamphile , Vous m'avez ma fille Contrainct luy promettre , Luy qui n'en eut oncque Volonté quelconque, J'en suis adverty.

Tant que sa paillarde Tiendra, il n'a garde De prendre party.

Quel gentil mesnage!

Quel beau mariage !

Quelle faute grande Me faisiez vous faire , Le voulant distraire De cette truande , Voulant marier (Pour le chastier) Ma fille avec luy, Qui de sa folie La mélancolie Eust eu et l'ennuy !

Eh bien ! vous savez

■.'.yS B. Des Periers.

Que cela avez

De moy obtenu .

Et ce qu'ay promis ,

Quand le temps permis

L'a, je l'ay tenu ;

Mais, puisqu'à présent

Il n'est pas décent.

Vous perdez vos peines :

Car, pour tout certain ,

Est cette putain

Bourgeoise d'Athènes ;

Et, qui est le pis,

Elle a eu un filz ,

Chacun le scet bien.

Sans en parler tant,

Soyez donc content,

Je n'en feray rien.

siMO. Je vous requier que ne prestiez l'aureille A ces causeurs qui vous content merveille ; Car ilz auroient une joie indicible Que mon filz fût méchant incorrigible ; Et me croyez, que toutes ces menées Par ces mechansont estécontrouvées, Quand entendu ont le bruit de ces nopces ; Car, pour certain, sont toutes choses fausses ; Et s'il advient, un coup, que leur affaire Soit descouvert , vous les verrez bien taire. CHREMES. Vous vous abusez.

Si vous le pensez

En cette manière :

Davus (qu'ainsi soit !)

Naguère en tançoit

A la chamberière.

SIMO

CHREMES.

L'Andrie. Acte V.

Je le say bien.

SIMO

Mais

C'est, je vous prometz Ainsi, comme ceux Lesquelz pensoient bien Qu'on n'entendist rien De leurs propos, qu'eux.

Je le croy bien ; car mon Davus aussi M'avoit prédit qu'on le feroit ainsi • Et si voulois aujourd'huy vous le dire. Mais souvenu ne m'en est point , beau sire.