La suite est un long a parte

Cymbalum mundi, 327

lignage céleste. Mais si jamais ilz tumbent en mes mains , je les recommanderay à Charon , qu'il les face ung petit chommer sur le rivage , et qu'il ne les passe de trois mil ans. Et si vous joueray encores un bon tour, messieurs Byrphanes et Curtalius , car devant que je rende le Livre d'imortalité à Jupiter mon père, lequel je vois faire relier, j'en etïaceray vos beaux noms , si je les y trouve escriptz, et celuy de vostre belle hostesse, qui est si desdaigneuse qu'elle ne veult croire ni accepter que l'on luy face du bien.

Curtalius. Par mon ame, nous luy en avons bien baillé (')! C'estoit ainsi qu'il failloit besongner, Byrphanes, afm d'en vuyder la place. C'est Mercure luy-mesme, sans faillir (-).

Byrphanes. C'est luy sans autre, voyrement. Voylàleplus heureux larcin qui fust jamais faict, car nous avons desrobé le prince et patron des robeurs (5), qui est ung acte digne de mémoire immortelle ; et si avons recouvert ung livre dor;t il n'est point de semblable au monde.

Curtalius. La pippée est bonne , veu que au lieu du sien nous lui en avons mis ung qui parle bien d'autres matières. Je ne crains que une chose : c'est que si Jupiter le voit et qu'il trouve son livre perdu , il n'en fouldroye et abysme tout ce povre monde icy, qui n'en peult mais, pour la