Qui jouent dans le sable

332 B. Des Periers.

Mercure. Et bien, n'en y a il pas eu ung qui en ayt trouvé quelque pièce ?

Trigabus. Pas ung, de par le dyable ! Mais il n'y a celuy qui ne se vante qu'il en a grande quantité; tellement que si tout ce qu'ilz en monstrent estoit amassé ensemble , il seroit dix foys plus gros que n'estoit la pierre en son entier.

Mercure. Il pourroit bien estre que pour des pièces d'icelle pierre philosophale, ilz auroient choisi parmy le sable du sable mesmes, et si n'y auroit pas guères à faire, car il est bien difficile de les cognoistre d'entre le sable, pource qu'il n'y a comme point de différence (').

Trigabus. Je ne sçay; mais j'ay veu plusieurs affermer qu'ilz en avoient trouvé de la vraye, et puis bientost après doubter si c'en estoit , et fmablement jetter là toutes les pièces qu'ilz en avoient, pour se mettre à en chercher d'aultres. Puis de rechef après en avoir bien amassé, ne se pouvoient asseurer ny persuader que c'en fust. Tellement que jamais ne fut exhibé ung tel jeu , ung si plaisant esbatement , ny une si noble fable que ceste cy. Corbieu ! tu les nous as bien mis en besongne, noz veaulx de philosophes !

Mercure. N'ay pas ?

Trigabus. Sambieu ! je vouldroie que tu eusses veu ung peu le desduit, comment ilz s'entrebattent par terre, et comment ilz ostent des mains l'ung de l'aultre les myes d'areine (j^) qu'ilz trouvent; comment ilz rechignent entre eulx,

1. En d'autres termes ; pourquoi chercher à distinguer la religion catholique des autres religions chrétiennes, puisqu'il n'y a pas de différence ?