Pour Egine

j. Pour Ganymède et Astérie.

• 6. Pour Proserpine.

Cymbalummundi. 349

sa vie. Je me fusse rompu le col, car je n'avois pas mes talaires aux piedz pour voler et me garder de tumber. Il est vray que ce a esté bien ma faulte en partie ; car je y devoye bien prendre garde, de par dieu! avant que l'em.porter de chez le relieur. Mais qu'y eusse je faict ? C'estoit la veille des Bacchanales, il estoit nuict. Et puis tant de commissions que je avoys encores à faire me troubloyent si fort l'entendement , que je ne scavoye que je faisoye. D'aultre part, je me fioye bien au relieur, car il me sembloit bien bon homme; aussi est il, quand ne serait ja que pour les bons livres qu'il relie et manie tous les jours. J'ay esté vers luy depuis, il m'a juré avec grandz sermens qu'il m'avoit rendu le mesme livre que je luy avoye baillé, dont je suis bien asseuré qu'il ne m'a esté changé en ses mains. Oiî est ce que je fuz ce jour là ? Il m'y fault songer. Ces meschans avec lesquelz je beu en l'hcstellerie du Charbon Blanc le m'auroyent ilz point desrobé et mys cestuy cy en son lieu ? Il pourroit bien estfe ; car je m'absentay d'eulx assez long-temps, cependant qu'on estoit allé tirer le vin. Par mon serment, je ne sçay comment ce vieulx rassoté n'a honte ! Ne pouvoitil pas avoir veu autresfoys dedans ce livre (cuquel il cognoissoit toutes choses) que icelluy livre debvoit quelquefoys c'evenir (') ? Je croy que sa lumière l'a esblouy ; car il failloit bien que cestuy accident y fust predict, aussi bien que tous les aultres, ou que le livre fust faulx. Or s'il s'en courrousse, qu'il s'en deschausse (2). Je