I. Epagneul. La race de ces chiens est originaire d'Espagne

Cymbalum mundi. 369

Pamphagus. Partafoy? Pardonne moy, Hylactor, mon amy ; je ne te pouvoye recognoistre, car tu as une oreille couppée ('), etjenesçay quelle cicatrice au front que tu ne soulois pas avoir; dont t'est venu cela <*

Hylactor. Ne t'en enquiers plus avant, je te prie : la chose ne vauldroit pas le racompter ; parlons d'autre matière. Où as tu esté, et qu'as tu faict depuis que nous perdismes nostre bon maistre Acteon (2) ?

Pamphagus. Ha ! le grand malheur ! tu me renouvelles mes douleurs. O ! que je perdiz beaucoup en sa mort, Hylactor, mon amy! car je faisoye grande chère, lors, où maintenant je meurs de fain.

Hylactor. Par mon serment! nous avions bon temps, quand je y pense. C'estoit ung homme de bien que Acteon et vray gentilhomme , car il aymoit bien les chiens. On n'eust osé frapper le moindre de nous, quoy qu'il eust faict; et avec cela que nous estions bien traictez : tout ce que nous pouvions prendre, feust en la cuisine , au garde manger ou ailleurs, estoit nostre , sans que personne eust esté si hardy de nous battre ou toucher, car il l'avoit ainsi ordonné pour nous nourrir plus libéralement.

Pamphagus. Helas! il est vray. Le maistre

1. Parmi les supplices réservés à ceux de la nouvelle religion, l'essorillement étoit, en effet, l'un des plus communs. Des Periers fait ici une allusion générale aux cruautés des catholiques.

2. Hylactor et Pamphagus étoient , d'après la Fable , chiens d'Actéon. Voy. Ovide, Met., liv. 3, ch. 3.

Des Periers. I. 24

?7o B. Des Periers.

4ue je sers maintenant n'est pas tel , il s'en fault beaucoup; car il ne tient compte de nous, ny ses gens ne nous baillent rien à manger la pluspart du temps; et toutes les foys que l'on nous trouve en la cuysine, on nous hue, on nous hare, on nous menace, on nous chasse , on nous bat, tellement que nous sommes plus murdris et deschirez de coups que vieulx coquins.

Hylactor. Voylà que c'est, Pamphagus , mon amy, il fault prendre en pacience. Le meilleur remède que je sache pour les doleurs présentes, c'est d'oublier les joyes passées, en espérance de mieulx avoir. Ainsi que au contraire le souvenir des maulx passez, sans crainte d'iceulx, ny de pis, faict trouver les biens presens bien meilleurs et beaucoup plus doulx. Or sçais tu que nous ferons , Pamphagus , mon cousin ? Laissons leur courir le lièvre, et nous escartons toy et moy pour deviser ung petit plus à loisir.

Pamphagus. J'en suis content; mais il ne nous fault guères demourer.

Hylactor. Tant peu que tu vouldras; peult estre que nous ne nous reverrons de long temps. Je seray bien ayse de te dire plusieurs choses et d'en entendre aussi de toy. Nous voicy bien; i!z ne nous sçauroient veoir en ce petit boscage , et puis leur gibbier ne s'adresse pas par deçà. Cependant je te demanderoye voluntiers si tu sçays point la cause pourquoy toy et moy parlons , et tous les autres chiens sont muetz , car je n'en trouvay jamais qui me sceust rien dire fors que toy, et si en ay beaucoup veu en mon temps.

Pamphagus. N'en sçais tu rien.^' Je te la voys

Cymbalum m u ndi. 371

dire. Te souvientil quand noz compagnons Melanchètes , Theridamas et Oresitrophus(') saillirent sus Acteon leur bon maistre et le nostre, lequel Diane avoit nouvellement transformé en cerf, et que nous autres accourusmes et luy baillasmes tant de coupsdedentzqu'il mourut en la place(2)? Tu dois sçavoir, comme j'ay depuis veu en je ne sçay quel livre qui est en nostre maison...

Hylactor. Comment! tu sçais donc bien lire.? où as tu apprins cela ?

Pamphagus. Je te le diray après, mais escoute cecy premièrement. Tu doys entendre que quand ung chascun de nous faisoit ses effortz de le mordre, d'adventure je le mordy en la langue, laquelle il tiroit hors la bouche, si bien que j'en emportay une bonne pièce que j'aval-

1. Les noms de ces trois animaux se retrouvent aussi dans Ovide : le premier veut dire qui a le poil noir ; le second , qui dompte les bêtes; le troisième, nourri dans les montagnes.

2. Selon nous, Actéon seroit le Christ, dont l'Eglise, — ici Diane, — a fait un Dieu. Plus bas , par la langue d'Actéon, Des Periers entend les Evangiles, sur lesquels furent d'abord concentrés les efforts des nouveaux réformés pour en rétablir le vrai sens. Ajoutons que l'auteur semble prédire, en appuyant sur la mort d'Actéon, que la réforme aura été le dernier soupir de la religion chrétienne, et qu'en livrant les Evangiles au libre examen on a rendu impossible tout culte à leur héros. Cette interprétation , beaucoup moins spécieuse qu'elle ne le paroît et tout à fait dans l'esprit de Des Periers , nous a été suscitée par cette note de M. P. Lacroix ;

« On pourroit supposer, avec quelque vraisemblance, que les chiens Pamphagus et Hylactor représentent Luther et Calvin, qui, en dévorant la langue de Jésus-Christ , c'est-à-dire l'Evangile, ont appris la parole évangélique et la répètent aux hommes sans pouvoir se faire entendre d'eux. Cette explication concorde assez bien avec tous les détails de ce dialogue.»

572 B. Des Perîers.

lay. Or dict le compte que cela fut cause de me faire parler; il n'y a rien si vray, car aussi Diane le vouloit. Mais pour ce que je n'ay point encores parlé devant les hommes , on cuyde que ce ne soit qu'une fable; toutesfoys, si est on tousjours après pour trouver les chiens qui mangèrent de la langue d'Acteon cerf; car le livre dict qu'il y en eust deux, dont j'en suis l'ung. Hylactor. Corbieu ! je suis donc l'autre, car j'ay souvenance que je mangeay ungbon loppin de sa langue; mais je n'eusse jamais pensé que la parolle me fust venue à cause de cela.

Pamphagus. Je t'asseure, Hylactor, mon amy, qu'il en est ainsi que je le te dy, car je l'ay veu en escript.

Hylactor. Tu es bien heureux de te cognoistre ainsi aux livres , où l'on voit tant de bonnes choses. Que c'est un beau passe temps ! Je vouldroye que Diane m'eust faict la grâce d'en sçavoir autant que toy.

Pamphagus. Et je vouldroye bien que je n'en sceusse ja tant , car dequoy sert cela à ung chien, nyle parler avec? Ung chien ne doibt autre chose sçavoir sinon abayer aux estrangers , servir de garde à la maison , flatter les domestiques , aller à la chasse , courir le lièvre et le prendre , ronger les os , lescher la vaisselle et suivre son maistre.

Hylactor. Il est vray ; mais toutesfoys si faict il bon sçavoir quelque chose davantage ; car on ne sçait où l'on se trouve. Comment, tu n'as donc point encore donné à entendre aux gens que tu sçais parler .''

Cymbalum mundi. 375

Pamphagus. Non.

Hylactor. Et pourquoy ?

Pamphagus. Pour ce qu'il ne m'en chault; car j'ayme mieulx me taire.

Hylactor. Toutesfoys, si tu voulois dire quelque chose devant les hommes, tu sçais bien que ies gens de la ville non seulement te iroyent escouter, s'esmerveillans et prenans plaisir à te ouyr ; mais aussi ceulx de tout le pays à l'environ , voire de tous costez du monde , viendroyent à toy, pour te veoir et ouyr parler. N'estimes tu rien veoir à l'entour de toy dix millions d'oreilks qui t'escoutent, et autant d'yeulx qui te regardent en face ?

Pamphagus. Je sçay bien tout cela. Mais quel prouffit m'en viendroit dadvantage .'' Je n'ayme point la gloire de causer, affm que je le te dye, car avec ce que ce me seroit une peine, il n'y auroit si petit coquin à qui il ne me faillist tenir propos et rendre raison. On me tiendroit en chambre, je le sçay bien ; on me froteroit, on me pigneroit, on m'accoustreroit , on m'adoreroit, on me doreroit, on me dorelotteroit ; bref, je suis bien asseuré que l'on me vouldroit faire vivre autrement que le naturel d'ung chien ne requiert. Mais

Hylactor. Et bien ? serois tu pas content de vivre ung petit à la façon des hommes ^

Pamphagus. a la façon des hommes ! Je te jure par les trois testes de Cerberus que j'ayme mieulx estre îousjours ce que je suys, que plus avant ressembler les hommes en leur misérable façon de vivre, quand ne seroit ja que pour le trop parler dont il rae fauldroit user avec eulx.

374 B. Des Periers.

Hylactor. Je ne suis pas de ton opinion. Vray est que je n'ay point encores parlé devant eulx. Mais sans cela que j'avoye en phantasie de trouver premièrement quelque compagnon qui sceut parler comme nous, je n'eusse pas tant mis à leur dire quelque chose ; car j'en vivroye mieux, plus honnorablement et magnifiquement. Ma parolle seroit préférée à celle de tous les hommes, quoy que je disse : car incontinent que j'ouvriroye la bouche pour parler, l'on feroit faire silence pourm'escouter. Ne sçay je pas bien que c'est que des hommes ? Hz se faschent voulentiers des choses présentes, accoustumées, familières et certaines , et ayment tousjours mieulx les absentes, nouvelles, estrangères et impossibles. Et sont si sottement curieux, qu'il ne fauldroit qu'une petite plume qui s'eslevast de terre le moins du monde pour les amuser tous quantz qu'ilz sont.

Pamphagus. Il n'y a rien si vray, que les hommes se faschent d'ouyr parler l'ung l'autre et vouldroyent bien ouyr ouelque chose d'ailleurs que d'eulx mesmes. Mais considérez aussi qu'à la longue il leur ennuiroit de te ouyr causer. Ung présent n'est jamais si beau ne si plaisant qu'à l'heure qu'on le présente et que avec belles paroUes on le faict trouver bon ; on n'a jamais tant déplaisir avec Lycisca(') que la première foys que l'on la couvre ; ung collier n'est jamais si neuf que le premier jour qu'on le mect : car le temps

I. Nom dérivé du grec, qui signifie petite louve: c'est une chienne de chasse ou lice née d'une chienne et d'un loup.

Cymbalum mundi. 375

envieilliî toutes choses, et leur faict perdre la grâce de nouveauté. Auroit on prou ouy parler les chiens, on vouldroit ouyr parler les chatz, les beufs , les chèvres , les ouailles , les asnes , les porceaulx, lespulces, les oyseaulx, les poissons, et tous aultres animaulx. Et puis qu'auroitl'on davantage quand tout seroit dict ? Si tu considères bien, il vault mieulx que tu soys encores à parler, que si tu eusse desjà tout dict.

Hylactor. Or je ne m'en pourrois pas tenir longuement.

Pamphagus. Je m'en raporte à toy. On te aura en fort grand admiration pour ung temps ; on te prisera beaucoup; tu mengeras de bons morceaulx, tu seras bien servy de tout, excepté que l'on ne te dira pas : Duquel voulez vous ? car tu ne boys point de vin, comme je croy ('). Au reste, tu auras tout ce que tu demanderas, mais tu ne seras pas en telle liberté que tu desireroys; car bien souvent il te fauldra parlera l'heure que tu vouldrois dormir et prendre ton repos ; et puis, je ne sçay si à la fm on se fasche/a point de toy. Or il est temps de nous retirer par devers noz gens , allons nous en à eulx ; mais il fault faire semblant d'avoir bien couru et travaillé, et d'estre hors d'aleine.

Hylactor. Qu'est ce que je voy là au chemin .''

Pamphagus. C'est ung paquet de lettres qui est tumbé à quelc'un.

Hylactor. Jeté prie, desplie le et regarde veoir que c'est, puisque tu sçais bien lire.

I. Car tu n'admets pas la présence réelle dans le vin de la cène.

370 B. Des Periers.

Pamphagus. « Aux antipodes supérieurs. )^

Hylactor. Aux antipodes supérieurs! Jecroy qu'il y aura quelque chose de nouveau.

Pamphagus. «. Les antipodes inférieurs, aux antipodes supérieurs ('). »

Hylactor. Mon Dieu, qu'elles viennent de bien loing.

Pamphagus. « Messieurs les antipodes, par le désir que nous avons de humainement converser avec vous , à celle fm d'apprendre de voz bonnes façons de vivre et vous communiquer des nostres , suyvans le conseil des astres , avions faict passer par le centre de la terre aulcuns de noz gens pour aller par devers vous ; mais vous , ayans aperceu cela, leur avez estouppé le trou de vostre costé, de sorte qu'il fault qu'ilz demeurent aux entrailles de la terre. Or nous vous prions que vostre bon plaisir soit leur donner passage, autrement nous vous en ferons sortir par de là de tant de costez et en si grande abondance, que vous ne sçaurez auquel courir. Tellement qje ce que l'on vous prie faire de grâce et amour, serez contrains souffrir par force, à vostre grande honte et confusion , et à Dieu soyez. Voz bons amys, les antipodes inférieurs.» Voylà bien des nouvelles.

Hylactor. C'est mon, et merveilleuses.

Pamphagus. Escoute : on me husche ; il m'en

I. Les chrétiens, suivant Des Periers, se trouvant aux antipodes de la vérité, ces lettres arrivent directement des lieux qu'elle habite. On croiroit cet épisode imité de Pline, qui dit, à la fin du livre U, qu'on trouva dans le tombeau de Dionysodorc une lettre de ce géomètre adressée ad superos.

Cymbalum mundi. 377

faull aller. Nous lirons le demeurant des lettres une aultre foys.

Hylactor. Mais où est ce que tu les mettras? Cache les là en quelque trou de cette pyramide et les couvre d'une pierre , on ne les trouvera jamais; et puis aujourd'huy à quelque heure, si nous sommes de loysir, ou demain, qui est le jour des Saturnalles, nous les viendrons achever de lire , car j'espère qu'il y aura quelques bonnes nouvelles. Aussi bien te veulx je apprendre plusieurs belles fables que j'ay oy racompter autrefois, comme la fable de Prometheus, la fable du grand Hercules de Libye, la fable du Jugement de Paris, la fable de Saphon, la fable de Erus qui revesquit (') , et la chanson

I. Voici, sur ces différentes allégories, l'opinion, assez fondée, de M. Eloi Johanneau:

<i La fable de Prométhée doit être celle de la création du premier homme, puisque la fable des Grecs nous apprend que Prométhée forma, comme le dieu des Juifs, le corps du premier homme avec de la boue détrempée.

<i Par celle du grand Hercule de Libye et de ses douze travaux, l'auteur a sans doute voulu faire allusion à Jésus-Christ et à ses douze apôtres. C'est par une allusion semblable à François 1er, à qui on donnoit le nom d'Hercule et le surnor. de Grand, et qui avoit conquis le Milanais sur Sforce , surnommé le Maure, que Rabelais dit dans les Fanfreluches antidotécs , strophe V :

En cest arrest le courbeau fut pelé Par Hercules qui venoit de Libye,

ainsi que je crois l'avoir prouvé dans mon commentaire sur ce petit poème jusqu'alors inintelligible.

« Par la fable du Jugement de Paris il vouloit peut-être faire allusion au jugement dernier. Mais les deux autres faljles dont il se proposoit de s'entretenii, et qu'il gardoit pour la bonne bouche, sont bien autrement importantes. La fable de Saphon est évide.rment celle de Psaphon, et non pss de Sapho, comme l'a cru un commentateur qui a pris de là occasion de faire à tort un reproche à l'auteur d'avoir péché contre l'unité de temps. Voici cette fable, qu'Hylactor avoit promis d'apprendre à Pamphagus, et qui, en effet, est peu connue : Psaphon, dieu de la Libye, avoit appris à

^78 B. Des Periers.

de Ricochet ('), si d'adventure tu ne la sçaiz.

' Pamphagus. Tu m'en bailles bien ! Je suis tout bersé de telles matières. Hastons nous , je te prie, et nous taisons , que noz gens , qui sont icy près, ne nous oyent parler.

Hylactor. Je ne parleray donc meshuy.'' Si feray, par Diane , si je puisestre en nostre maison,

quelques oiseaux à répéter ces mots ■.MéyxidibiYàvuv, Psaphcn est un grand dieu; et il les lâcha ensuite dans les bois, où, à force de les entendre répéter, les peuples crurent qu'il étoit inspiré des dieux et lui rendirent les honneurs divins. Ce stratafrème, auquel Psaphon dut sa divinité, a eu, comme le remarque M. Noël dans son Dictionnaire det noms propres , plus d'un imitateur, et il a presque toujours réussi. Ehen raconte le même trait d'Hannon (Hist. div., 1. XIV, ch. 52.) Quand on a la clef des dialogues de Des Periers, de l'esprit dans lequel ils sont écrits , on ne peut s'empêcher de croire qu'il ait voulu faire ici un rapprochement de Psaphon avec l'Homme-Dieu et ses apôtres.

(i Quant à la fable de Érus qui revéquit, il y a encore ici une allusion évidente à Jésus-Christ, qui ressuscita le troisième jour. <i Des Periers, dit un de ses annotateurs, pourrçit bien avoir en « vue quelque chose de plus réel que la fable d'Erus, mais qu'il Il n'ose pas dire ouvertement , non plus que tout ce qu'il se conci tente d'insinuer dans ces dialogues.» Voici cette fable : Macrobe (1. I,ch. I et 2, à\3, Songe de Scipion) parled'un soldat pamphilien, nommé Érus, qui ressuscita douze jours après sa mort. Elle est aussi rapportée par Platon (liv. X de sa Répui^lique), par Plutarque, par Cicéron et par Valère-Maxime. Platon suppose qu'un certain Arménien, nommé Her, est ressuscité, et met dans sa bouche la doctrine de la métempsychose. Macrobe dit qu'Érus ressuscita dix jours après sa mort. (Voy. l'édition Varioruni, p. 118.) Mais le nombre de jours ne fait rien à l'affaire, pas plus que le nombre de pas que fit saint Denis après avoir été décapité, et qui a fait dire si plaisamment à madame du Delland qu'en pareil cas il n'y a que le premier pas qui coûte ; ce qui suffiroit seul pour prouver que c'est une fable allégorique, et que le nom de Érus, Hérus ou Hcr, est en rapport avec elle, et signifie un mort enterré, un homme mort déifié, un héros , soit qu'il vienne de hpo>i ou de ipisvipar contraction ou par apocope. »

I. On a appelé ainsi une chanson où le même mot revient souvent, comme, au jeu de ce nom, le palet revient sur l'eau. Nous croyons voir une allusion aux prières de l'Eglise catholique dites litanies et au chapelet.

Cymbalum mundi. 379

car je ne m'en pourroie plus tenir. A Dieu donc.

Pamphagus. Et n'oublie pas de bien ouvrir la bouche et tirer la langue, affin de faire les mines d'avoir bien couru.

PAMPHAGUs(').CefollastreHylactorne sepourra tenir de parler, affm que le monde parle aussi de luy. Il ne sçauroit dire si peu de parolles qu'il n'assemblist tantost beaucoup de gens, et que le bruit n'en coure incontinent par toute la ville : tant sont les hommes curieux et devisans voluntiers des choses nouvelles et estrangères !

Fin du présent livre intitulé Cymbalum Mundi,

en françoys , imprimé nouvellement à Paris

pour Jehan Morin, libraire , demourant

audict lieu, en la rue Sainct Jacques,

à l'enseigne du Croyssant.