I. L'un des auteurs bien connus du Roman de la rose

70 B. Des Periers,

Un mesme flair de parfum précieux.

Quant à cesiuy des roses, gracieux, Que nous touchions, ii estoit tout sensible; Mais celuy-là de l'aube, intelligible.

Par l'air espars, çà bas ne parvint point. Les beaulx boutons estoient |à sur le poinct D'eulx cspanouir, et leurs ailes estendre : Entre lesquelz l'un etoit mince et tendre, Encor tapy sous sa coefîe verte; L'autre monstroit sa creste descouverte , Dont le fin bout un petit rougissoit; De ce bouton la prime rose issoit; Mais cettuy cy , demeslant gentement Les menuz plis de son accoutrement , Pour contempler sa charnure refaicte, En moins de rien fut rose toute faicte, Et desploya la divine denrée De son pacquet, où la graine dorée De la semence etoit espaissement Mise au- milieu, puur rembelHssement Du pourpre fin de la fleur estimée, Dont la beauté, naguères tant aymée.

En un moment devint seiche et blesmye, Et n'estoit plus la rose que demye.

Vu tel meschef, me complaingnis de l'aage, Qui me sembla trop soudain et volage.

Et dis ainsi : « Las ! à peine sont nées Ces belles fleurs, qu'elles sont jàfennées! » Je n'avois pas achevé ma complaincte, Qu'incontinent, la chevelure paincte , Maintenant veue en la rose excellente, Tomba aussi par cheute violente Dessus la terre , estant gobe et jolie D'ainsi se veoir tout à coup embellie Du tainct des fleurs cheutes à Tenviron Sur son chef brun et en son vert giron. Mais la rosée (encor) les luy souilloit, Carie rosier que le jour despouiiloit,

Œuvres diverses. 71

Veu l'accident de si piteux vacarmes, La distilloit, en lieu d'amères larmes.

Tant de joyaux, tant de nouveautez belles, Tant de presens, tant de beautez nouvelles, Brief, tant de biens que nous voyons florir. Un mesme jour les faict naistre et mourir ! Dont nous, humains, à vous, dame Nature, Plaincte faisons de ce que si peu dure Le port des fleurs, et que , de tous les dons Que de vos mainz longuement attendons Pour en gouster la jouissance deue , A peine (laslj en avons-nous la veue.

Des roses l'aage est d'autant de durée Comme d'un jour la longueur mesurée, Dont fault penser les heures de ce jour Estre les ans de leur tant brief séjour. Qu'elles sont jà de vieillesse coulées Ains qu'elles soient de jeunesse accollées.

Celle qu'hyer le soleil regardoit De si bon cueur, que son cours retardoit Pour la choisir parmy l'espaissenue, Du soleil mesme a esté mescongnue A ce matin, quand plus n'a veu en elle Sa grand' beauté, qui sembloit étern lie.

Or, si ces fleurs , de grâces assouvyes , Ne peuvent pas estre de longues vies (Puisaue le jour qui au matin les painct Quana vient le soir, leur oste leur beau tainct Et le midy, qui leur rid , leur ravit). Ce neantmoins, chascune d'elles vit Son aage entier. Vous donc, jeunes fillettes, Cueillez bientost l^-s roses vermeillettes A la rosée, ains que le temps les vienne A desseicher; et, tandis, vous souvienne

72 B. Des Periers.

Que ceste vie, à la mort exposée , Se passe ainsi que roses ou rosée (')•