EPITAPHE DE FRANÇOYS

Dauphin, premier nay du roy Françoys.

Espérance gist icy :

Que tu n'ayes ce soucy (Quoy que Pandora promette) De l'espérer de sa boette; Icy ont leur demourance Et la boette et espérance.

A LA ROYNE DE NAVARRE

Tes yeux ont veu ce qu'ilz n'esperoient pas, Dont larmoyans maintz on faict larmoyer De ton neveu le trop soudain trespas, Et ton bon frère en larmes s'en noyer; Tu lui as veu à son debteur payer Le debte (las!) lequel luy estoit deu :

1 10 B. Des Periers.

Toy un neveu , luy un filz ha perdu ; Mais France en doit bien plus grand dueil avoir, Car tout l'espoir d'elle y est respandu. Peuvent tes yeux ce pourtraict en reveoir !