I . Les douze signes du zodiaque

138 B. Des Periers.

De l'avenir tu entendz le secret, Tu le sçais mieulx, voire, je te prometz. Que ces divins ne le sçurent jamais; Car il t'a dict, le Vivant qui faict vivre, Que renoncer il se fault pour l'ensuyvre, Sans prendre en soy soucy du lendemain, Ains seulement du temps qu'on a en main .Car les païens quièrent toutes ces choses. Que s'il advient qu'icelles leur soient closes. Chercher les font à leurs sotz astrologues. Qui leur en font Dieu sçait quelz catalogues, Où chascun d'eulx ses mensonges récite).

Et davantage ha dit qu'il n'est licite A nous sçavoir les temps et les momentz Que Dieu ha mis hors nos entendementz, Hors de noz sens et notre congnoissance, Et réservez à sa seule puissance.

Vas maintenant , et de Dieu te meffies , Et à ces beaulx astrologues te fies, Lesquelz jamais n'ont sçeu de Dieu l'affaire; Et, s'ilz l'ont sceu, ils le dévoient bien taire. Non feras dea; jà Dieu ne plaise aussy, Auquel tu croy. Or, fais que tout cecy Tantost à tous racomptes et revelles.

A Dieu te diz, altéré de nouvelles.

Lequel, afin que merveille te donnes De ses haults faits , t'en doint, en brief, de bonnes !

Fin.

Au SEUL Dieu honneur et gloire.

Œuvres diverses. i ^9