J'implorerois à mon tour pour vous un heureux départ

144 ^- D^^ Periers.

D'eulx et de leurs amis, demandeur deviendray. Ha! qu'est ce que je dis? à moy je reviendray, Car avoir ne pourrois le cueur de demander, Quand vous me le vouldriez encore commander. Jaçoit que l'on ayt dict qu'argent je demandois, Quand dire adieu au roy (') dernièrement cuydois, Où ce que je craingnois certes m'est advenu , En m'imputant cela dont je suis moins tenu. Ouy, mais je n'auray rien, si rien je ne demande ? Eh bien! où rien n'y ha, le roy perd son amende; Si donc, Royne, voulez qu'il y ayt quelque chose. Donnez sans demander, car demander je n'ose. Mais qu'est ce qu'il me fault ne que me lault il ? Rien. Rien, Madame, que tout et me contente bien. Vray est que cil qui dict qu'il se contente ment; Toutefois je me vante avoir contentement, Contentement content, où point ne me mescompte, Car riche autant qu'un roy me treuve en fin de compte.

Vita vcrecunda est, musa jocosj m'ai.

Invective contre Renommée(i).

Or es tu bien maligne. Renommée!

Car tu ne l'as pas telle renommée Qu'elle est vrayment; et par ainsi, langarde, A tes propos une autre fois prends garde, Que désormais ne te voises mesler Des grandz vertus vouloir si peu parler. En as tu dict beaucoup ? La grand' pitié Que de ton faict ! ce n'est pas la moytié !

I . Au roi de Navarre. Voy. la pièce de vers précédente. I . Nous ne savons à qui cette pièce fait allusion ; peutêtre est-ce encore à la reine de Navarre.

Œuvres diverses. 145

Car, tesmoins ceux qui d'elle ont cognoissance , Quand à son loz rien ne t'y cognois, en ce Qu'il semble, à veoir, que tu veuilles tascher La plus grand' part soubz silence cacher ; Mais tu ne peux que chascun ne le sache, Dont en seras renommée bien lasche.

Quand tu cognois que tu ne peux attaindre A si hault blanc sans tes forces estaindre; Et quand tu vois que tes langues cliquantes Ne sont tel loz justement expliquantes, Les dois tu pas soubz tes plumes tenir, Et d'ainsi peu parler t'en abstenir?

0 ! que )'ay Isien parlé à celuy monstre, De grand' vertu faisant petite monstre!

Mais qu'ay je fait? Certes rien, au vray dire; J à ne me fault tant estre gonflé d'ire. Car ces vertus, qui ne sont point nombrées Ne veulent point estre ainsi célébrées Par bruyt mondain ni par humaine voix.

Qui bien souvent fraudent le prix et poix, Ainsi qu'il est manifeste orendroit.

Aussi ne veult madame là son droict; Car elle sçait que ceulx là qui font bien A celle fin qu'on en die du bien Ont jà reçeu leur salaire content.

Or n'est le cueur d'elle de ce content : Si Renommée est lasche à son renom , Sa récompense est en Dieu et son nom.