Murmures, manières, grimaces de coquetterie effrontée

De cueurs humains et mondains esperis , Eco sans plus , après plusieurs soubzris , Ung seul baiser requist à Narcisus :

— Riens n'est si dur en amours que reffus.

Par son orgueil fier et presumption , Despit , oultrage et félonne nature, En se mirant par grant elation ' A sa beaulté et plaisante stature, Eust en desdaing la povre créature, Sans la laissier parvenir à son esme ^\ [mesme.

— C'est bien congneu, qui se congnoist soy

Et en effect, par l'inhumanité De Narcisus , qui le baisier desnye, La povre Eco, par grande austérité, Usa en pleurs le surplus de sa vie.

En gémissant fut en voix convertie Et endura mutation subite :

— Ung cueur piteux en lermes se délite.

Ce Narcisus après, considérant Que par dame avoit esté prié.

S'en orguillit, et, tout en se mirant, Après qu'il s'en eust en soy glorifié.

Par le vouloir des Dieux fut tost mué En une fleur qui es fontaines croist :

— Orgueilleux cueur soy mesme se deçoipt.