D£ L H OS PI T AL

sente, choisyr le meilleur et le plus commode pour parvenir à nostre but ; c'est pourquoy quelques ungs ont vouleu que l'on proposast ung peu devant ce qu'on avoit à délibérer, de peur que faisant aultrement, et quelqu'ung ayant esté d'ung maulvais adviz, sans y avoir bien pensé, il ne s'y opiniastrast mal à propoz , et ne s'efforçast de le soustenir, plustost que de s'en despartyr. Si est, qu'en affaires où ceulx qui ont cresdict sont intéressez, il n'est à propos de faire la proposition, si l'on n'est asseuré ne la pouvoir résouldre promptement, aultrement ce seroit donner moyen de faire des brigues et de préparer des tranchées et empeschemens.

Fault aussy que le conseiller d'estat soit sans faveur envers les ungs, sans haine envers les aultres, et sans ambition pour soy, n'ayant aultre but que le bien public , et qui ne despende poinct d'aultres princes , soit en foy et hommaige , soit par obligations , soit par pension ; mais plustost qu'il ait à courir la mesme fortune que le prince qu'il sert, afin qu'il entende qu'à luy touche à souffryr le mal et jouyr du bien provenant du conseil qu'il aura donné.

Marc Antonin, philosophe et empereur, ordonna que les sénateurs de Rome qui n'estoient Italiens, auroient au moins le quart de leurs

Sa/j MÉMOIRES

biens en Italie, afin de les rendre plus soigneux à penser à la conservation de la province où estoit le siège de l'empire.

Et Pline escript que Trajan, l'empereur auparavant , avoit ordonné que ceulx qui poursuyvoient des bénéfices auroient le tiers de leurs biens fonds en Italie, ne trouvant raisonnable que telz genz usassent de Rome , de l'Italie , comme d'une retraicte, et non comme de leur pays.

Toutesfois je n'en vouldrois pas pour faire une règle générale ; s'estant trouvées plusieurs personnes, lesquelles, encore qu'elles eussent retraicte ailleurs qu'en Testât du prince lequel elles servoient , se sont portées fidèlement à Testât de leurs maistres; elles" avoient toujours moyen de vivre d'ailleurs. Au contraire, on en a veu, qui n'avoient retraicte ailleurs qu'en Testât de leurs princes, auxqueîz la bonne fortune de Tennemy a faict penser d'entrer en capitulation pour saulver leur bien : ce que, peult estre, ilz n'eussent pas faict, s'ilz eussent eu moyen de vivre ailleurs. Aussy est il bien certain qu'ez affaires où nous n'avons poinct d'intérest, nous judgeons mieulx beaucoup que lorsque nous mettons nos intérests en balance parmy nos adviz et nos conseils.

Celuy qui regarde jouer le jeu , qui n'est préveneu ny d'espérance de gaigner, ny de craincte de perdre, fera meilleur judgement de la conduicte

DE l'hospital. SaS

du jeu que le joueur mesme; et celuy qui eu ung conseil n'a poinct peur de perdre ses biens, et qui n'apporte ny affection , ni passion , prendra tousjoursie parly le plus honorable ; et celuy qui y a intérest, préveneu de son péril et de craincte, inclinera tousjours volontiers du costé auquel il pensera se saulver.

Ne fault qu'ung conseiller d'estat soit trop prompt et trop précipité, d'aultant que la précipitation , de sa nature , est aveugle ; une bonne délibération ayant besoing de temps pour la bien résouldre , .et estant impossible, en peu d'heures , de bien considérer et bien peser les inconvéniens : joinct, que la précipitation ne peult venir que d'imprudence, ou de peu de judgement, et l'ung et l'aultre nuit au conseil.

L'irrésolution est ung aultre vice auquel il fault bien se garder de tomber : car il se fault résouldre à ung party , et oublier tous les aultres , de peur que, s'en ressouvenant, l'on ne rompe et allentisse cette vigueur d'esprit nécessaire à bien exécuter les grandes entreprises, et avec la constance qu'il fault y apporter aux choses malaisées et difficiles ; et ne doibt on pas croire qu'il y ait moins de difficultés au party que l'on a laissé, qu'en celuy que l'on a choisy?

En quelques ungs , l'ignorance de sçavoir examiner les affaires cause irrésolution ; et ceulx cy

doibvent estre rejetiez, surtout du conseil. D'aultres sont ennemys des inconvéniens ; de façon qu'encore qu avec raison ilz doibven t embrasser la chose qui leur est proposée , néantmoins , estonnez de la peine et de la difficulté qui accompaigne toujours les grandes affaires, demeurent en suspens et en doubte s'ilz se doibvent mettre en debvoir d'entreprendre.

Les aultres ont l'esprit si subtil, qu'à toutes choses qui leur sont proposées, ilz trouvent raisons contraires, et estant, comme souvent il advient, peu courageux, jamais, si ce n'est par nécessité, se résolvent et ne défaillent jamais de raisons pour couvrir leur lasche timidité , laquelle aura tousjours plus de puissance que la raison et ^'expérience , d'avoir maintesfois suyvy les leurs: car la résolution ne vient pas d'esprit, mais du couraige ; et ceux cy sont d'aultant plus dangereux, qu'ilz sont plus subtilz et ont plus d'adresse pour couvrir leurs difficultez.

Mais , comme il ne fault pas estre irrésoleu , aussy ne fault il pas estre si confiant de soymesme que l'on bouche les oreilles aux adviz des aultres , veu que nous asseurant sur nos forces , nous ne mettions en considération celles de nostre ennemy , mesme quelques fois le hasard et la fortune, qui a bonne part aux plus grandes actions, afin de préveoir à ce qui peult advenir;

DR l'hOSPITAL. 3^7

car la défiance est mère de préveoyaiice, et la préveoyance mère de seureté.

La patience est une aiiltre qualité fort nécessaire à iing conseiller d'estat , non pour supporter les adviz contraires aux siens; mais aussy ses raisons estre prisées , blasmées et contredictes, et à ouyr plusieurs inepties, qui naissent parmy les discours. Fault ouyr, dis- je, avec patience, sans jalousie, ny desyr de vouloir estre suivy en son opinion, et ne faire comme plusieurs, qui se plaisent à estre autheurs d'une nouvelle ouverture et d'un esprit de contradiction plein d'aigreur, et s'amusent à reprendre les raisons deceulx du conseil qui leur sont ennemys, quoiqu'elles soyent bonnes , soyent surtout insupportables. Ce n'est pas qu'il ne soit permis de mettre en considération les raisons d'aultruy, et fault que ce soit avec respect ; et celuy là monstre qu'il ne cherche à diviser ou suspendre la délibération : ains luy suffit de faire entendre ses raisons , et les inconvéniens d'ung contraire advis. Oultre ces qualitez, qui regardent le judgement et l'intégrité , il fault que le conseiller d'estat sache s'expliquer , et faire entendre ses raisons ; et ceulx qui, par dessein, obscurcissent leurs raisons, leur intention pour l'incertitude de l'événement, sont maulvais conseillers, qui n'entendent pas ce que c'est que conseil : d'aultant que

le bon conseil se mesure par les raisons, et non par l'événement ; personne n'estant responsable de ce qui advient contre tout discours et raison. Mais, surtout, il est requiz d'estre secret; car ung conseil éventé ne proficte non plus qu'une mine éventée. C'est pourquoi il est nécessaire que le nombre des conseillers d'estat ne soit pas grand: car, en ung grand nombre, cest inconvénient est ordinaire.

Il n'est pas bon aussy de changer souvent de conseillers, parce qu'estant besoing qu'dz soient instruits des affaires, il se trouveroit que leur charge finiroit avant qu'ilz peussent non seulement veoir celles qui seroient commencées , parachevées , mais avant que d'en pouvoir entendre la suite et le progrez , ce qui est nécessaire pour en faire jndgeraent : cette suite ne pouvant estre si bien représentée par le rapport que d'aultres en pourront faire , que Ton ne manquast en quelque particularité sur laquelle on pourroit fonder son adviz. Que si, pour la qualité de Testât , il est nécessaire de les changer , au moins fault pourveoir que le conseil ne se change poinct tout à coup ; mais , ayant ordonné certain temps à chaque conseiller, pour y assister, il fauldra que leurs charges expirent en divers temps, et que la plus grande part des anciens demeure pour instruire les nouveaulx des affaires , lorsque.