I . Finis, fins, polis, parfaits

i8 Satyre pour

Souhecté Peuple François vous a souvent.

BON TEMPS

Jà pieçà me suis apresté Pour venir icy.

LE VIGNERON

Arresté Vous y serez dorénavant.

BON TEMPS

J'entens qui n'y court que bon vent, Parquoy je m'y veulx bien tenir.

JENIN

Ne vous logez pas au couvent Des Cordeliers, car on n'y vend Pain ne vin pour vous soustenir.

BON TEMPS

Peuple François, entretenir Je vous veulx cordialleraent ; Et de moy devez retenir, D'autant que n'ay peu cy venir 11 m'en a desplu longuement.

JOYEUSETÉ

Receu serez joieusement Se vous y vouliez résider.

BON TEMPS

Je le veulx ainsi.

LES HABITANS d'AuXERRE. 19

JOYEUSETÉ

Seurement.

Ne me puis tenir "bonnement D'incessamment vous regarder.

PEUPLE FRANÇOIS

Puis qu'avons Bon Temps, sans tarder Il nous fault mener bonne vie, Et dorénavant nous garder De faire mal avoir envye.

JOVEUSETÉ.

Je suis en cueur presque ravye

De veoir Bon Temps devant mes yeulx.

Or, à tousjours je me comye

De n'estre jamais assouvie

De vous aymer de mieulx en mieulx.

BON TEMPS

Demeurer avec vous je veulx ;

Mais un mot vous diray, non plus :

Se vous n'estes bons, ce * m'eist Dieux !

Je m'en iray en aultres lieux,

Velà que je diz et conclus.