I. Pans sa gentille ardeur

Épistres.

AUTRE ÉPISTRE

Continuant parolle dicte

A la Damoiselle predicte

Cest epigramme luy envoyé,

Par ce porteur que mectz en voye.

!^;2. n contemplant vostre grâce excellente Plus que la roze en doulceur redolente, %IM Par le rapport de monseigneur Lotyn , Façon en moy ne trouverez dolente, Manière aussi paresseuse ne lente De vous louer en François et Latin.

Plume j'ay prins, me levant ce matin, Pour rédiger les gracieusetez Qui sont en vous plus doulce que satin Acompaignez de grant joyeusetez.

De deviser je ne sçay la seconde ' Pareille a vous : en parolle faconde Et ditz plaisans on vous donne le bruyt; Honnesteté aussi en vous redonde.

Comme ay ouy, au dict de tout le monde, Ce que je croy, car j'en suis bien instruict. Ne plus ne moins qu'ung tressavoureux fruict Est estimé de celluy qui le gouste.