Ennuyée, torturée

» De vous voir derrière la porte. »

— « Ma Dame, le dyable m'emporte, » Pour l'amour de vous, sans mentir,

)) Vouldroys mourir comme ung martyr. »

— « Enné, vous estes, se m'eist Dieux, » Le plus doux, le plus gracieux

» Que je rencontré de ma vie. »

Et, sur ce point, j'euz grant envye De luy donner à descouvert Joyeusement la cotte vert.

Mais je diffère ung petit Pour tant que j'avois l'appétit De la prier, premièrement Qu'en jouyr tout soubdainement.

Car vous sçavez qu'avant aymer La dame seroit à blasmer S'el ne congnoist l'amant discret, Leal, amoureux, et secret.

Sur ce point elle me va dire :

— « Disons quelque chose pour rire.

» Ainsi que le sçavez bien faire. »

Pour à son plaisir satisfaire Tantost me prins à barbeter.

Deviser, gaudir, caqueter

En faisant ung tas de mynettes Et façons assez sadinettes ; Car je congnoissois la mignote Estre bien frisque ' et dorelote.