Saluts respectueux

76 Monologue

Que le saluez de par moy.

Riens qui soit plaisant je ne voy, A mon gré, sinon sa personne; Parquoy de m'en taire tout coy Possible n'est; raison pourquoy A le louer je me façonne.

Se quelqu'un ung seul mot me sonne, J'ay bien cueur et hardy courage, Et sans qu'on le pille et rançonne, Que mon franc vouloir luy maçonne Ung coup ou deux sur le visage 1 Laissons ce plait et ce langage Et parlons de chose plus gaye.

A l'ouvrier congnoist-on l'ouvrage :

Lung dict tresbien, l'autre faict rage, L'ung ne dit mot, l'autre s'essaye, L'ung parle gras, l'autre bégaye ; L'ung cuide avoir gaigné le prix , L'autre survient qui le costaye ' Et faict ung sault dessus la paye; Par ainsi le galand est pris. L'ung ne scet rien, l'autre est apris; L'ung a veu, l'autre retenu; L'ung est repris, l'autre surpris; L'ung a failly, l'autre a mespris; L'ung est vestu, l'autre est tout nud ; L'ung on hait, l'autre est soustenu ; L'autre est bien brave et bien vestu.

i. Côtoie.

d'dne Dame. 77

L'autre a beaucoup de revenu Et n'est aymé ne bien venu, N'estimé non plus qu'ung festu.

L'ung est rassis, l'autre est testu ; L'ung est posé, l'autre est volage.

L'ung dit qu'il a bien combatu Et l'autre dit qu'on l'a batu ; L'ung est blessé, l'autre on oultrage; L'ung est sot, l'autre n'est pas sage; L'ung est fier, l'autre oultrecuydé.

L'ung dit qu'il n'a varlet ne page.

L'autre n'a rente ne héritage Et en est jobelin ' bridé.

L'ung est mené, l'autre guydé; L'ung est transy, l'autre ravy ; L'ung est secouru, l'autre aydé, L'ung est chassé, l'autre vuydé ; L'ung a support, l'autre audivi ; L'ung est plain, l'autre est assouvy; L'ung n'a riens, l'autre encore moins; L'ung est chassé, l'autre est suivy ; L'ung est prins, l'autre poursuivy; L'ung est caché entre deux coings, L'autre menasse et faict les groings; L'ung dict qu'on se repentira; L'autre se deïfend à beaulx poings.

Oyant et voyant tous ces pointz Mon plaisir ailleurs me tira.