DU TEMPS PASSE

faict l'an mil cinq cens et tleux ' .

Le Premier.

u'en dis-tu?

Le Second.

Je ne sçay que dire.

Le Premier.

Quel temps court-il?

Le Second.

Temps à redire.

Le Premier.

N'est pas pareil au temps passé?

Le Second.

Du temps passé mon cueur souspire.

Le Premier.

Au temps qui court, le monde empire De jour en jour.

i . Ce dialogue et celui de M. de Deçà et de M. de Delà paraissent bâtis sur le modèle du Dialogue de MM. de Jtallepaye et de Baillevent, attribué a Villon.

S'A Dialogue

Le Second.

J'en suis lassé.

Le Premier.

Or est le bon temps trépassé.

Le Second.

Il est vray, c'est le point prefix.

Le Premier.

Tel avoit du bien amassé Qui l'a jà pieçà demassé ' Et faict le demy crucifix *.

Le Second.

Aujourd'huy les gens sont confitz En tromperie et avarice.

Le Premier.

Depuis demy an je ne feiz ' Non plus que le Père et le Fils, Et tout par faulte d'exercice.

Le Second.

Je suis taillé d'estre novice * Longtemps avant qu'estre profex.

Le Premier.

Par faulte de bonne police, Sans avoir ce qui m'est propice