I. Convié

92 Dialogue

Le Second.

Et rien, rien; J'ay assez bon bruit et renom.

Le Premier.

Tu n'y changeras jà ton nom.

Le Second.

Comment ?

Le Presîier.

Il demourra entier.

Le Second.

J'y deviendray gay et mignon Frisque, gaillard, bon compaignon.

Le Premier.

De se trop venter n'est mestier ; Dedans dix ans comme avanthier L'Abusé tu te nommeras.

Le Second.

Tais toy, beau sire, le quartier En vault une aulne.

Le Premier.

Hé! Gaultier, De brief tu le congnoistras.

Le Second.

Hé, par Dieu, tu m'appelleras, Avant qu'il soit deux ans, non plus, Monsieur; puis tu m'acoUeras.

DES Abusez. 93

Et cest honneur tu me feras , Veulles ou non, je le conclus.

Le Premier.

Et si j'estoys des bras perclus Et muet, ou, par aventure, En quelque hermitage reclus?

Le Second, Laisse ce propos ; au surplus Cela viendroit contre nature.

Le Premier.

La féminine créature Tu serviras donc désormais.

Le Second.

Et de quoy?

Le Premier.

Si, par conjecture, Tu les servois de couverture, Ce te seroit bon entremectz.

Le Second.

Cela ne se feroit jamais.