LE TEMPLE D'ONNOUR
Je cuide et croi , et s'est mes dis , Ensi l'ai je veu toutdis , Qu'il n'est onques jours qui ajourne , Soit qu'on traveille ou qu'on séjourne , 5 Qu'on s'esbanoie ou qu'on revelle , Qu'on n'ot dire aucune nouvelle Qui est avenue où que soit ; Ou présentement on le voit , Si en est de tant plus creable .
10 Mieuls sentie et plus agréable.
Encor m'en avint awan une Qui n'a pas esté trop commune Ne remoustréc jusqu'à chi , Dont grandement j'en remerchi
15 Mon sentement qui l'a gardé Et si bellement retardé Que tenu close et en prison
b'ONNOUR. 163
Jusques à tant que j'ai raison Dou dire et dou remettre avant.
20 Or m'est revenue au devant , Car ma plaisance le requiert , Qui volentiers avant conquiert, Ossi qui le me fait ouvrir , Je m'en ose bien descouvrir.
25 J'estoie en une compaignie De bonne gent accompagnie; Et , qui savoit riens de nouviel , Là le disoit pat grant reviel ; Dont d'un songe illuec me souvint
30 Qui awan en dormant me vint , Si le commenchai à compter Et toutes gens à escouter Très liement et volentiers.
Pas n'en avoie dit le tiers ,
35 Quant uns empecemens nous vint Pour coi cesser le me couvint ; Mais anchois que le ces fesisse Ne que de là me partesisse , Je fui pryés moult bellement
40 Que dedens brief jour telement L'euïsse mis et ordonné , Si me seroit guerredonné , Qu'on le peuïst lire et avoir , Et mesisse paine au savoir
45 De chief en cor , sans contredire , Par quoi riens n'i euïst à dire.
Je leur acordai leur requeste Et fis de moi si bonne enqueste Que mon songe ne plus ne mains
50 Escripsi à mes propres mains En le fourme que vous \eés ; Si voel que vous vos pourveés
Dou lire et justement entendre A quoi la matere poet tendre.
55 Car la cose qui est nouvelle , Par nature elle renouvelle Le courage et , s'il est espars , Il le requiert de toutes pars , Afin qu'il soit mieuls percevans ' 60 Des nouvelletés recevans ,
Et s'il est requis , qu'il en die Che qu'il sent , ne s'en escondie.
Avis me fu , selon le compte De le vision que je compte,,
65 Que j'estoie en une forest , Où je n'a voie point d'arest D'aler et venir haut et bas , Et m'estoit adont grans esbas , Et le painne bien en portoie ,
70 Car au veoir me deportoie
Les arbres , tant chesnes que brus , Et les lieus plaisans et ombrus. Moult alai amont et aval :
Or vi je venir à cheval
75 Un homme ; je me trais vers li , Car je le vi frisce et joli Par semblant et de bon afaire , Et s'en avoie assés à faire Pour demander quel part iroie
80 Ne à quelle main je tirroie S'en chevauchant il besongnoit.
Et chils , qui pas ne ressongnoit Ma venue ne mon encontre , Vint vers moi , et lorsqu'il ra'encontre ,
85 II me salue , et jou ossi Le saluai sans nul soussi.
En saluant li dis : « Amis ,
I d'onnoUr. J65
« Bien sai qu'aventure m'a mis
« En ce bois , et vous si l'avés 90 « Chevauchié dont assés savés
« Par où on i entre et en ist. »
Et chils moult bellement me dist :
« C'est bon que vous venés o moi,
« Si serés hors de tout fourvoi. »
95 Je li acorde volentiers.
Lors chevauoames les sentiers
Grans et ouvers tout doi ensamble,
Si com en vision me samble.
Entroes qu'avec li chevauçpie, 100 A chief de fois je m'avançoie
De parler , et sus telle entente
Au mains je l'en esmoech et tempte
Qu'il me die de son afaire ,
Où il va ne qu'il a à faire.
105 II me respont : « G'i sui tenus ,
« Et vous estes li bien venus
« Avoec moy ; qui que vous soyés .
« Ne puet estre que ne voyés
« Une feste noble et parfette 110 « Qui doit au jour d'ui estre fette
« En un temple moult priés de chi. »
— « Amis » , di je , « par vo merchi ,
« De quels gens se fera le feste?
« Car s'il plest Dieu , g'irai à ceste , 115 « Je m'en tenroie moult envis. »
Et il me respont , ce m'est vis :
« Honneurs si marie au jour d'ui ,
« Ensi com enfourmés j'en sui ,
« Un sien ûY que Désir on nomme :
120 « Moult a en lui gentil jone homme ,
« De grant noblesse et de bon famé ,
« Et li donne Plaisance à famé ,
PMlle Courtoisie le sage.
Partout sont tramis li message 125 « Pour assambler gens à grant force , Car cascune et cascuns s'efforce De la feste bien festoyer , Et là verés vous cointoyer Honneur et chiaus de sa baniere 130 « En très noble et puissant manière. Encor i ara que mieuls prise , Sur ce est la journée emprise D'Onneur ichi dessus nommé :
Un sermon très bien renommé 135 « Et qui sera bons à oïr
Pour tous Jones coers esjoïr Et qui d'armes volentiers oent Parler et le mestier en loent.
Car Honneur a eu d'usage , 140 « Dont je le tieng à trop plus sage , « Que quant un sien enfant espeuse , « Ou nom de li et de i'espeuse , Il fait une eolation De grande consolation 145 « Et moult pourfitable à entendre
A chiaus qui voelent à bien tendre , Et que vous orés volentiers.
Droit là nous mainne chils sentiers, Si le sievrons , se vous m'en crés. » 150 — « Amis » , di je, « c'est bien mes grés , « Or chevauciés et jou apriôs, »
Lors me fu vis que là bien priés Nous falli la forest ombrue ; Mais chils ^rist une voie herbue 155 Toutdis en costiant le bois.
Tant aiammes à ceste fois Devant nous à l'escantillon
d'onnour. 107
Que , droitement en l'aguillon
D'un terne gracieus et cointe , 160 Je perchui seans en le pointe
De ce lieu dont je fach exemple ,
Che me fu vis , un trop biel temple ,
Bien maçonné , couvert d'escaille ;
Dou trop parler ent ne me caille, 165 Car il estoit fais à devise.
Ensi qu'un biel lieu on avise
Entre .ii. rivières seans
Pour nobles et pour marceans
Et qu'on tient à bonne la marce , 170 Cascuns de nous va tant et marce
Que nous venons sans nul fourvoi
Droitement où le temple voi.
Nous mesimes le piet à terre ,
Bien fu qui nos chevaus vint querre.
175 Ensi en venant ambedoi ,
L'un l'autre tenant par le doi ,
Ens ou temple, qui ou vers fu, •
Entrâmes , bien seumes par ù ,
Car ostée estoit la barrière 180 Et ouverte la porte arrière ;
Sans deffense et sans contredi
Fumes ou temple je vous di.
Se li temples fu biaus et gens
Dehors tant qu'au regart des gens , 185 S'estoit il dedans biaus sans nombre ,
Clers et nés sans porter point d'ombre ,
Bien voirriés et bien ordonnés.
Grandement me sui adonnés
A regarder de chief ou cor ; 190 Li souvenirs m'en plaist encor.
Parés fu deviers l'uisserie
De très bonne tapisserie ,
En alant contremont d'otel , Et de draps d'or , derriers l'autel , 195 Qui s'estendoient bien avant.
Et illuecques , droit par devant L'autel , un faudestoet seoit Que cascune et cascuns veoit , Car il estoit haut eslevés.
200 Dou faudestoet savoir devés Riches estoit oultre l'ensengne.
Mon compagnon adont m'ensengne Honneur qui estoit droit au chief ; Apriès me moustre de rechief 205 Che qui fu au veoir mes grés , Car g'i voi jusqu'à .vii. degrés Et sus cascun avoit un homme.
Ens ou premier Avis me nomme , * Et sus le second Hardement ,
210 Emprise y egtoit tierchement , Ou quart degré fu Atemprance En très noble et bonne ordenance ; Au chinquisme Justice estoit, Qui bien et biel s'i arestoit ; 215 Ou sisime estoit Loyautés,
Qui vault plus que trois royautés ; Ou septisme degré plus haut Largeche y estoit, qui tant vaut. Et d'Onneur tous H plus prochains 220 Parés fu et richement çains D'or et de rubis pris en Tarse.
Mais, ains que feste fust esparse, Tout donna sans estre lassés ; Encor emprunta il assés.
225 On ne puet esprisier la vaille
D'un tel jeuiel . se Diex me vaille.
Desous , ou piet dou faudestoet ,
DONNOUR.
Puis que de tout parler m'estoêt , Se seoient sus un tapis ,
230 Deus grans fremauls enmi leur pis , Li doi espeus , qui s'entr'amoient , Ricement paré et vesti.
N'i avoit ceste ne cesti
235 De l'espeus et de l'espousée , Qui ne fust tendre com rousée.
Désirs estoit un peu plus tains Et de viveté mieuls ataiits Que Plaisance ; c'estoit raisons :
240 Toutes coses ont leurs saisons.
Et nonpourquant la pucelete Estoit frisée , tendre et doucete , Tele que jonece doit estre.
Biautés le costioit sus destre ,
245 Qui richement fu orfrisie.
Moult estoit l'espeuse prisie Et li espeus , il n'est pas doubte ; Nuls .ne presse là ne ne boute , Car toutes gens si se seoient ,
250 Qui paisieulement les veoient , Et je me sui assis ossi , Qui regardoie tout ensi L'afaire que li autres font Et tele ordenance qu'il ont.
255 L'espousée avoit devant soi
Sept dames que bien aperchoi — Sus un degré estoit cascune, En son regard — de quoy li une , Qui estoit ou degré desous , 260 Par dalés l'espeus et l'espous , Manière estoit ceste appellée , Qui ne fu tainte ne mellée , Mais de friche et plaisant arroi ;
Je crbi qu'elle fu fille à roi.
265 Et ou second degré bien priés Humilité aloit apriès ; Francise estoit en tierch degré , Qui me venoit moult bien à gré ; Ou quatrime estoit Courtoisie , 270 Qui de bonté est bien aisie , Et ou degré chinquisrae amont Carité , qui Pité semont Qui estoit t>\i degré sisisme , Et Fois plus haut ens ou septisme.
275 On ne poroit , au dire voir , Plus riche parement avoir , Soit en Testât d'amours ou d'armes , Que tels signours et teles dames Que j'ai chi nommé par raison , 280 De quoi j'ai fait comparison Et dont Honneur estoit parés :
Et s'en vos coers les comparés , Vous y ares très grant pourfit Et me dires que j'ai voir dit.
285 A mervelles je regardoie
Celi estât ; c'est drois qu'on doie Parler d'afaire de tel pris , Car noient je n'avoie apris A veoir si nouvelle cose , 290 Et toutesfois moult bien je l'ose Regarder , et à bon loisir G'i mech m'entente et mon plaisir ; Nuls ne m'en oste et je ni'i tieng Et de Testât assés retieng , 295 Quant g'i pense. J'ai de jadis Veii des rois jusques à dis Et un erapereour à Romme Et tamaint noble et puissant homme ,
d'onnour. 171
Mais oncques je ne vi arroi 300 Si grant de prince ne de roi ,
Qu'Onneur avoit en celi jour.
Encor eus je tant de séjour
De li 15ien plainement veoir ,
Ensi com il pooit seoir , 305 Qu'il avoit detrenchiet le vis
En pluiseurs lieus , ce m'estoit vis ;
Bien moustroit qu'il euïst esté
Et hardiment aresté
En cops d'espées et de haces ; 310 On en veoit assés les traces.
Quant il parla , si mist son doi
En bas et dist : « Désir , je doi
u Pour vous mettre .i. sermon avant ,
« Et tout chil .qui me sont devant 315 « Et toutes chelles qui m'oront ,
« Otretant bien j partiront
« Que vous ferés : c'est tout commun
« Tant à cascune que cascun. ' « Biaus fils , qui voelt à honneur tepdre, 320 « Premièrement il doit entendre
« A l'ordenance de l'Eglise •
« Et obeïr , je t'en avise ,
« A che qu'elle dist et apprueve.
« Que che soit voirs , vechi le prueve : 325 « Par l'Eglise entrés .en che monde ,
« C'est bien raisons qu'elle vous monde ;
« Et quant dou monde partirés ,
« Voirs est que par li en irés.
« Et che commandement avons 330 « De Dieu , ensi que nous savons ,
« Quant le loi à Moysi donna ,
« Il escripsi et ordonna :
« De tout ton coer , de t'ame toute.
« Ton souverain Dieu aime et doute.
335 « Encor avons en l'evangille,
« Qui de no mère Eglise est fille :
« Tu dois premièrement aquerre
« Paradis que ta glore en teife.
« Di tes heures et oi la messe 340 « Dévotement , et la proumesse
« De Dieu ne te pora fallir.
« Et se tu voes à moi venir
« Et devenir tel que je fui
« Et entendre con fès je sui , 345 « Tu ni venras pas par cuidier.
« De tous visces te fault widier
« Par confesser songneusement ,
« Servir Dieu cremeteuseraent ; . ' >. n U,
« Ensi me serviras à. gré. r.
350 « Or met un piet sus le degré
« D'Avis et plus avant ne passe ,
« Car il te faut là une espasse
« Arester et bien conchevoir
« Comment on te puet dechevoir 355 « Par fallasses et par vuiseuses ,
« Et par gengles de gens vuiseuses
« Et par croire legierement.
« Avise toi sommierement
« Que fauls consauls ne te dechoive 360 « Et qu'avoec toi on ne rechoive
« Nulle gent qui aient envie
« Sus ton estât ne sus ta vie.
« En chiaus nouris o toi d'enfance
« Tu y pues bien avoir fiance, 365 « Et quant tu voes riens née emprendre,
« As sages en dois consel prendre ;
« Ne fais riens seulement de toi ,
(t Sans l'autrui sens , je t'en castoi.
