VIRELAIS
Prendés le blanc , prendés le noir, Prendés selonc vostre estavoir , Prendés toutes coulours aussi , Mes je vous di 5 Que dou dimence au samedi Vous faudrés bien à vo voloir.
Pour moi le di certainnement , Car j'ai pensé en mon jouvent
Si hautement , 10 Que ma folie me reprent Et en voeil faire amendement
Très grandement.
Peu de chose est de fol espoir , Et s'est assés au dire voir ; 15 Car le cowart il fait hardi , Et le joli .
Selonc les mours qui sont en li , Il li fait ordenance avoir.
Prendés le blanc , etc.
20 Or vodrai vivre liement En joie et en esbatement ,
Veci comment.
Je passerai legierement Le temps à venir et présent
25 Pareillement.
Tout metterai en noncaloir.
Tels pleure au main qui rit au soir ;
Amours ont maint homme enrichi
AMOUREUS. 39H
Et resjoî Dou bien d'autrui par leur merci ; Encontre etir n'a nuls pooir.
Prendés le blanc, etc.
CI APRÈS S'ENSIEVENT GRANT POISON DE RONDELÉS AMOUREUS.
Mon coer s'esbat en odourant la rose
Et s'esjoïst en regardant ma dame ;
Trop mieuls me vault l'une que l'autre chose;
Mon coer s'esbat en odourant la rose.
L'oudour m'est bon , mes dou regart je n'ose
Juer trop fort , je le vous jur par m'ame ;
Mon coer s'esbat en odourant la rose.
Il ne m'est riens de chose que je voie, Car je sçai bien que tout convient morir, Esbatement , golas et ju et joie ,
UOiNUEtÉS AMOUUEUS. 391
Il ne m'est riens de chose que je voie. Or vous auppli, Amours, que briefment voie Aucun confort qui me puist resjoïr ; Il ne m'est riens de chose qui je voie.
Pour vostre amour, plus belle qne la rose, Vodrai je avoir le coer joli et gai ; Commandés moi , je ferai toute chose Pour vostre amour, plus belle que la rose. Pardonnes moi quant à vous penser ose, Vostre beauté m'a mis en tel assai Pour vostre amour, plus belle que la rose.
Se je pooie avoir tant de loisir
Que de veoir ma dame à ma plaisance,
Il me devroit très grandement souffir,
Se je pooie avoir tant de loisir ;
Mes , voeille ou non, il m'en cou vient souffrir.
Car dou veoir n'est pas en ma puissance ,
Se je pooie avoir tant de loisir.
Je voeil morir poursievans ma querelle, Comme loyal servant au dieu d'Amours, Tout pour l'amour de ma dame la belle Je voeil morir poursievans ma querelle.
Quant mors serai , quoi que soit dira elle, Mon esperit la servira tous jours.
Je voeil morir poursievans ma querelle.
598 RONDELÉS
J'ai mis mon coer en un lieu puis un peu, Mes je ne sçai quel chose en doie faire ; Conseilliés moi, vous qui congnissiés jeu, J'ai mis mon coer en un lieu puis un peu. Ma dame dist : fuies , fuies, hareu !
Quant recorder je li voeil mon afaire ; J'ai mis mon coer en un lieu puis un peu.
J'ai plus perdu assés que gaagnié Au bien amer , cela puis je veoir, Si ai je aie, venu et langagié ; J'ai plus perdu assés que gaagnié.
Et telement tout mon coer engagié Que ne l'en sçai ne ne l'en puis ravoir ; J'ai plus perdu assés que gaagnié.
Quant Diex fourma première créature, Ma dame estoit encores à fourmer ; Or a depuis si bien ouvré Nature , Quant Diex fourma première créature.
Tele l'a fait que Beauté ne fait cure De nulle aultre fors elle regarder.
Quant Diex fourma première créature.
Ma dame, à qui je prie de confort, Regardés moi en quel point m'avés mis ;
AMOUREUS. 399
On dist que j'ai figure d'omme mort , Ma dame, à qui je prie de confort ; Et se tels sui , certes je n'ai pas tort , Car mieuls me plaist à estre mors que vis , Ma dame , à qui je prie de confort.
Quant je parti des verghes d'ignorance , Je cuidai bien estre issus de dangier . Mais depuis ai senti aultre puissance.
Quant je parti des verghes d'ignorance ; Car Amours m'a donné cops de plaisance, Qui sont plus dur que de fer ne d'acier , Quant je parti des verghes d'ignorance.
Plus liement ne poet le temps passer
Coers , ce m'est vis , que d'amer par amours ,
Pour tous anois afoiblir et lasser
Plus liement ne poet le temps passer
Et grant foison de joies amasser ;
En ce pourpos sui et serai tousjours ;
Plus liement ne poet le temps passer.
Désirs m'assaut et Plaisance m'enflame, Et di n'en sçai où traire à garison.
A vous m'en plaine , ma souverainne dame , Désirs m'assaut et Plaisance m'enflame ; Car vos regars sont cause de la flame Qui m'ont lancié ensi qu'en trahison ; Désirs m'assaut et Plaisance m'enflame.
•iOO iU)Ni)KLi:s
Réconfortés , dame , vostre servant, Qui dou tout est donnés en vo dangier. Tant a souffert qu'il ne poet en avant ; Reconfortés, dame, vostre servant.
Painnes et mauls li viennent au devant , Bien li povés cel obscur temps changier ; Reconfortés , dame , vostre servant.
Le temps perdu ne poet on recouvrer, Avec la honte y a damage au perdre ; Legierement le puis dire et prouver, Le temps perdu ne poet on recouvrer.
Dont qui en voelt très sagement ouvrer , Jones se doit au bien amer aherdre ; Le temps perdu ne poet on recouvrer.
Respont , Dangier , que fais tu tant en place ?
Laisse Pité en ma dame esvillier ,
Tu ne me poes faire chose qui place ,
Respont , Dangier , que fais tu tant en place ?
Amours scet bien comment elle me lace,
S auroie bien mestier de conseillier ;
Respont , Dangier , que fais tu tant en place ?
Se par souhet je pooie avenir A ce que poet désirer vrès amans , Se n'ai je point en moi le souvenir , Se par soirhet je pooie avenir ;
AMOLREUS. 401
Que de moi ne laiasse convenir
Dame et amours , car je sui leur servans ,
Se par souhet je pooie avenir.
Onques espoirs , qui bien y ot ilance , Ne pot fallir à loyal compagnon , Et j'ai à li fait certainne alliance : Onques espoirs , qui bien y ot fiance. Or me soit près , car , voir , je li fiance Que j'amerai , jà soie amés ou non ; Onques espoirs , qui bien y ot fiance.
Un vrai amant , par loyalment amer , Deveroit bien estre ois de sa dame ; Lors se poroit pour eûreus clamer Un vrai amant par loyalment amer.
Mes les pluisours aiment jusqu'au flamer , Et jA n'auront garison de la flame ; Un vrai amant par loyalment amer.
Trop ne se poct frans coers humilier ; Qui merci crie , il doit merci avoir.
Dame , qui j'ainc , vous poet on avoyer ? Trop ne se poet frans coers humilier.
Donnés moi ce que si humblement quier : C'est vostre amour , je ne voeil aultre avoir. Trop ne se poet frans coers humilier.
