EPITAPHE DE LOVISE DE SAVOIE

Je ne suis pas, viateur ocieux,

Ce corps vestu d'aornementz précieux,

Lequel on veoit attendant sépulture,

Mort, et récent exemple de nature.

Ce n'est pas moy que tu vois icy morte,

Ne je ne fuz oncques de telle sorte ;

Ce qui te mect en pleurs et en esmoy

A myen esté, mais jamais ne fut moy.

Il est bien vray que depuis soyxante ans,

Dieu m'envoya du ciel icy dedans

Pour le régir, gouverner et mouvoir,

Ainsi que toy et d'autres ont peu veoir ;

Ce corps me fut une possession,

Par moy conduicte en la vacation

Que Ion m'avoit secrètement enjoincte.

Si bien ou mal, mon père ou je suis joincte.

Mon Dieu, mon tout, en a faict jugement ;

Ne t'en enquiers, viateur, autrement.

1. — Texte : In Lodoicae Régis matris tnortetn . . . Imprimé par G. Tory, 1 5 3 1 (voir Notice bibliographique, p. lxii). Le recueil imprimé de G. Tory ne donne pas de tiire, mais seulement les initiales L. M. N. — Une 2' édition (Bibl. Rothschild) fut achevée d'imprimer le 29 octobre 1531. — Nous désignons ces deux éditions par A et B.