ACTE CINQVIESME

HAllBONE, seul.

0 grans Dieux ! quel banquet, quelle magnificence I 0 que de frians mets, quelle riche despence î le suis tout estonné de ce grand appareil, Il n'en fut iamais veu que ie pense vn pareil , Disner vrayment Royal et Royales délices; Ceste grande cuisine , et les pleines offices , Et les rancs inflnis des viures aprestés Le peuple nourriroyent de deux grandes cités. Mais qui peut auoir fait nostre Royne prodigue Contre son naturel? 11 y a quelque brigue, Quelque entreprise caute, et ce n'est pour néant Qu'Esther fait auiourd'huy ce banquet si fort grand. Aucuns pensent que c'est vne fine sagesse

TRAGEDIE SA INCTE. il<)

Pour flatter son mari et luy faire caresse ,

Et que d'autant qu'elle est yssue d'vn bas lieu ,

D'vne race incognue, et qu'à vn autre Dieu

Que le nostre elle sert, de tant plus elle tasche

D'empescher que le Roy son mari ne s'en fasche ,

Le s'obligeant ainsi finement de tous poincts,

Afin qu'il ne l'ennuyé et la recerche moins.

Mais ce n'est pas cela : ie sçais que ma maistresse

N'a point besoing de faire à son seigneur caresse

Par vn riche festin; elle l'a tout à soy

Et gouuerne du tout le Royaume et le Roy.

Ce n'est pas des banquets la somptueuse chère

Qui fait aimer Esther au monarque Assvere ,

Non , ce n'est pas cela ; ie sçais bien qu'autrement

Les belles comme Esther chérissent vn amant ;

Assvere tout plein d'or, délices, cheuance,

N'est gaigné par l'apast d'vne grande despence.

Les moyens qui la font fauorite du Roy,

Et qui la font pouuoir par dessus toute loy,

Qui luy ont fait auoir la dignité Royale,

Et qui la font entrer tous les iours dans la salle

D' Assvere hardiment, sans son commandement,

Contre les vieilles loys et meurs de nostre gent;

Toutesfois sans danger enfraindre les deffences,

Renuerser les Edicts, Mandemens, Ordonnances,

Promesse auoir du Roy qu'il ne l'esconduira

De chose dont ce iour elle le requerra ,

Ces moyens sont ceux-là dont la secrète couche

Seule peut tesmoignerà qui l'afi'aire touche.

Helas! qui eust pensé voir nostre nation

Obéir aux bannis du désolé Sion ,

Seruir vne estrangere , vne pauure captiue

Du petit demeurant de la race luifue?

Helas! qui l'eust pensé? Aman Agagien

La cuidoit empescher ; mais son meilleur moyen

Me semble estre affoibli , sa force retrenchee

Depuis qu'il a serui le payen Mardochee.

le suis fort bien trompé si ce plaisant repas

N'est pas fascheux pour tel qui ne s'en doute pas.

Ce past delitieux, deuant que la nuit noire

Brunisse nostre ciel , auroit bien vn déboire

Si amer, douloureux et estrange pour tel

Que le goust en seroit certainement mortel.

Las , ie m'en doute bien , i'ay senti quelque chose

Qui sera toutesfois fidèlement enclose

Au secret de mon cœur, iusqu'à ce que la fin

Nous face clairement cognoistre le destin.

Aa Beauté, quel pouuoir tu as sur tous les hommes !

Beauté par ton moyen à nous-mesmes ne sommes,

Ains nos vaincus esprits demeurent chez autruy ;

Foibles en leurs maisons , sur toy cerchent apuy ;

Tu nous fais désirer les choses non loisibles ,

Tu nous rends soucieux, patilleux, mal paisibles,

Meschants, iniurieux, sans force et sans honneur,

Larrone du repos, de la paix et de l'heur,

Que nous aurions sans toy. Par toy le père incœste

Se souille de son sang , pire que toute beste;

Et le frère, tenté d'vn regard gratieux ,

Sur le lict de sa seur se ielte audacieux -,

Et le fils (ô l'horreur!) prins de sa propre mère,

Puise au mesme ruisseau que son fortuné perc î

0 beauté tromperesse, ô beauté qui as peu

TRAGEDIE SAINCTE. Ifl

Surmonter en tout temps et le fer et le feu,

Et les cœurs des humains plus durs que le fer mesmes ,

Tu es de tous aimée, et personne tu n'aimes;

Tu aueugles tous ceux que ta lumière a prins,

Tu sçdis conduire à fin tout ce qu'as entreprins,

Tu chasses la raison des poitrines plus sainctes,

La plus forte aux assauts, aux combats, aux attaintes

Tousiours victorieuse et jamais sans danger,

Sans playe des vaincus; iamais sans leur changer

Leur estre accoustumé : tu es partout nuisible;

Et combien qu'on te suive en lieu qu'il est loisible,

Toutes fois tost après , pour t'aimer ardemment ,

Celuy qu'as rendu tien tombe soudainement

En quelque grand défaut, en maintenant le vice

Que tu veux, que tu fais ton tort, ton iniustice :

Gardant et trouuantbon tout le mal qui te plaist,

Et trouuant fort mauuais le bien qui te deplaist,

Cruel, iniuste à tous, fascheux, mal équitable.

Et quand il fait excès, lors il est dommageable,

Et cruel contre soy; car s'essayant forcer

Son faible naturel, que fait-il qu'auancer

Son malheur, son destin. Mais , holà ! l'heure est basse ;

le tarde trop icy, le temps fuyard se passe,

l'ay charge d'amener de par la Royne Esther

Assuere et Aman , ie m'en vay les haster.

C'est assés babillé ; vne peureuse doute

Me saisit, que quelqu'vn embusché ne m'escoute :

Vn bon seruiteur doit plus sçauoir et celer

Du fait de ses seigneurs qu'enquérir et parler.

AMAN, ASSVERE, ESTHER, HARBONE.

Syre , laissés icy le soin de vostre Empire ,

Et les tristes ennuis qui vous ferment le rire;

Les messages, les bruits, les doutes, les raports ,

La crainte, le souci , les menasses , les torts,

Les pleurs des orphelins, les plaintes, les, requestes,

Qui vous ont ce matin à milliers esté faites;

Et la rébellion d'vn Roy vostre suiet,

Et la concussion qu'vn gouuerneur a fait,

La mort des courtisans qui vous estoient fidèles;

Oubliés tout cela et toutes choses telles,

Qui ordinairement et le iour mille fois

Occupent les esprits des Monarques et Roys;

Et vous garnisses tout d'amour, de mignardise,

De ris, de gayeté, d'aise, de gaillardise.

De grâces et d'vn port folement amoureux ,

Pour rendre ce banquet pleinement sauoureux ;

Car l'Emperiere Esther ce traitement espère

Receuoir auiourd'hui de son grand Assuere;

Mettons ce sceptre bas , la graue maiesté

N'est propre pour chérir vne douce beauté.

ASSVERE.

Père Aman , ie suis là , et si l'on veut me plaire, Qu'on ne parle auiourd'huy aucunement d'atTaire ; Car ie ne veux penser ce iour qu'à contenter Et fournir de tous poincts la volonté d'Estlier.

AAUN.

Syre , la voilà près.

ASSVERE.

Leue-toy, ma mignonne.

ESTHER

le suis parti soudain qu'est arniué Harbone ; Monsieur, i'ay grand honneur de voir si fort à moy, Qui ne suis rien du tout, le cœur d'vn si grand Roy.

ASSVERE.

Père Aman , regardés la grâce de Madame ,

le iure le soleil et sa céleste flamme

Que ie ne la vis onq' que tout soudain mon cœur

le ne sentisse espris d'vne nouuelle ardeur.

Et ores au regard de sa teste dorée ,

le sens bien audedans mon a me estre altérée.

Non , non , ma fille , non , si ie te fay du bien ,

Tout est de ton mérite , et de ma grâce rien ;

Suy seulement ce trein , et me tiens favorables

D'vn regard tout pareil ces yeux esmerueillables;

Ainsi m'aiment les Dieux, et mon royaume et toy,

Qu'à iamais tu pourras commander à vn Roy,

Et ne souhaiteras rien de grand , ni mal possible,

Que ie puisse pourtant, qui ne te soit loisible.

ESTHER

Monsieur, souffres vn peu que ie baise vos mains.

Le Roy ne le croit pas, mais ces baisers sont feints.

ASSVERE.

M'amie , acole moy, car ie veux ta beauté Compagne estre partout de nostre Royauté. Aa que i'oublie bien de Vasthe le visage, Te voyant si traitable, et l'orgueilleux outrage Que d'elle ie receu.

ESTHER

le vous prie , Monsieur, Vous soir sur ce lit d'or, à fin que i'ay cet heur De vous voir priuément user de ces seruices.

ASSVERE.

le ne me cognoy rien ici de mes délices ;

Mais i'ay plus de plaisir de contempler tes yeux,

Que d'vn friand banquet les mets delitieux.

ESTHER

Vous plaist~il receuoir ceste coupe écumante , Qu'vn de vos echançons longtemps à vous présente?