FIN DE LA TRAGEDIE

Gentilhomme du bas Poictou CONTENANT LES COMPLAINGTES

A ANTOINETTE D'AVBETERRE

TRÈS-VERTVEVSE DAME DE SOVBIZE

)A Dame, s'il me pouuoit arriuer d'oublier quelquefois les biens et faueurs qu'il vous Î^^JSYg^ a pieu me faire, ie ne penseroy pas pouuoir après honnestement viure. le mettray peine de les recognoistre non pas selon leur mérite, mais selon la mesure de mon pouuoir. Au temps que vous feistes quelque seiour à Poitiers, vous daignastes esstimer le peu de lettres que i'auoy en ceste grande ieunesse, et pour ce respect vous me feistes beaucoup de plaisirs et courtoisyes es affaires où i'employé vostre crédit pour mes amis, tant vers M^e de Sauoye qui estoit alors encore en France, que vers M'n« de Grammont. Vous me feistes cet honneur de luy présenter à ma requeste l'œuure chrestien d'Albert Babinot, et l'auancer par vostre tesmoignage et recommandation. Toutes ces obligations me semblent si grandes, que

ie n'en veux iamais estre quite , et si ne désire rien tant que de m'en deslier par vne infinité de seruices, pour le moindre desquels ie vous voue la portion qui me contente mieux, et que i'ay la plus chère de toute mon œuure. le suis bien marri que c'est en la partie moins sérieuse de mon estude et de mes lettres, vous suppliant prendre en bonne part la petitesse de mon présent, attendant que ie traite les plus graues choses et plus dignes de ma profession , que i'espere faire paroistre quelque iour en la parole et à la gloire du Fils de Dieu, que ie prie, Madame, bienheurer vostre excellente vertu et de vous donner très- longue et très-heureuse vie, pour le soulagement de tant d'hommes qui se maintiennent par vostre bienfait.

A la Groizardiere , le second iour de may 1565.

PREMIERE COIMPLAIINCTE

Contenant la déploration que feit la fille de lephthé Galaadite , sur sa virginité aux montagnes, suiuant ce qui est escript en l'XP chapitre des luges y Hure de la Saincte Bible.

E peux donc par deux mois, ô meigre liberté,

Discourir le regret de ma virginité;

Deux mois sont vn long temps ; le loisir de ma plainte Soulagera le mal duquel ie suis atainte, « Pour ce qu'vn dard prœuu n'est pas si dangereux, « Et vn meschef ploré n'est pas si douloureux. (( Las ne me trompe-ie point? La dure destinée « Tourmente autant de fois qu'elle est imaginée; « D'vn esprit affligé les aprehensions « Surmontent la rigueur des exécutions.

« Il faut plorer pourtant, les complainctes et larmes « Me restent à présent au lieu de toutes armes. » Aa Dieu si ie pouuoy par le bras vigoureux , De mon père tourner ce sort si rigoureux , Tout n'iroit que très-bien; mais cette roide lance Qui a brisé d'Âmmon la moins forte puissance,

Et a fait les enfans de Galaad seigneurs

De ce peuple, et devint de leurs chasteaux meilleurs,

Ne sçauroit m'affranchir de l'estroite promesse,

Ni de ce vœu par qui mon contentement cesse.

Tout le païs les fruits de la victoire sent,

Et d'elle toutesfois ma ruine dépend.

Helas! père lephté, ce beau repos publique

Te cause, iniurieux, ton malheur domestique :

Tu remplis Israël de liesse et d'htmneurs,

Et ta poure maison de vergoigne et de pleurs.

La haute pyramide où tu fais ton trophée

N'est de marbre ou de bronze en flammes estophee ,

Mais du triste abandon de ta fille , ton sang ,

Qui est vraye semence et seule de ton flanc.

Plorons donc par doux mois, ô mestheres compaignes

Et faisons retentir les bossues montaignes;

Deux mois sont nostre but, car quand bien ie voudroy

Larmoyer plus long temps, courte ie demeuroy.

Deux mois donc font mon tout; maintenant, ô pucelles.

Il faut fournir ce tout de larmes éternelles,

irfaut toutes oster les bondes de nos yeux,

Et faire ruisseler des torrens furieux ,

Et combien que la source en soit inespuissable ,

Si la faut-il tarir dans ce but misérable.

0 amiables cris, ô sanglots gratieux,

0 larmes, mon confort, souspirs delitieux!

0 ie quite à tousiours la brusque gaillardise,

le quite pour iamais la gaye mignardise ,

l'abandonne l'honneur et les beaux ornemens,

Et tous ces afiquets , ces riches vestemens.

le hay la gayeté de vos Galaadites ,

D'ANDRE DE KIVAVDEAV. 159

Et leurs yeux pour le sac des vaincus Ammonites ^ Ce qui me fasche seule à tous agrée et plaist, Ce qui les rend contens à moy seule deplaist. Voyez comme desia mes cheueux se hérissent, Comme mes yeux d'azur égarés s'éblouissent, Comme mon front se ride , et mes temples à plat S'enfoncent au cerueau , vn pous les contrebat. Mes iouës au dehors l'ordre de mes dens forment, Et la belle rondeur de ma face difforment; Ma bouche se ternist , mon naiz est trop ouuert. Et mon visage tout d'vne nue couuert, Sur les mains i'ay la crasse et sur les dens la rouille , Mon palle teint iaunist, ma coilTure se souille Pour n'estre plus changée, et mon chef languissant Qui tire contrebas m'est vn fardeau pesant. Mal s'accordent vraiment la chagrine tristesse , L'ennuy, le desespoir auec la gentillesse ; Ores me plaist l'horreur, or la rusticité Et contre ma façon ie n'ay la propreté. He Dieu ! que me sert-il qu'vn si grand personnage Me soit seigneur et père , et qu'il ait en seruage Mis le Roy d'vne gent? qu'il ait, victorieux, Fait ses frères puissans, redoutés, glorieux? Las! helas, que me sert cesle fleur agréable, Ceste beauté nagueres à tous esmerueillable? 0 quel monstre nouueau! ce qui profite à tous, Ce qui est souhaitable et honorable et doux , Acroist mon creue-cœur, car d'autant qu'il me tente De mille passions mon regret il augmente. Le fais de poureté aux hommes souffreteux Ne semble si pesant, ni si calamiteux:

Aux hommes sans honneur vne honte auenue

N'est pour bien grande honte estiuiee ou tenue.

Ceux qui tombent de bas ne se blessent pas tant

Comme vn qui cheoit de haut et se froisse en tombant.

Ma beauté, ma grandeur, mon ame généreuse

Me font plus clairement paroistre malheureuse,

Et ne seruent rien mieux; lâs, ie suis hors d'espoir

De pouuoir pour iamais les doux fruits receuoir

D'vn sacré mariage I Ah! beauté inutile,

Oisiue, de néant, déplorée, infertile,

Toute semblable au fruit, en vain délitieux.

Des plantes de Noé, qui pour estre trop vieux

Se suranné et s'aigrit, se tourne ou bien s'esuente

Premier que d'estre beu, ou qu'estre mis en vente.

Tu ressembles encor' la rose qui s'abat

Et s'egaye au matin, puis le soir se rabat,

Quand vn zephire doux de l'espine la iette

Toute efueillée en bas et non plus vermeillette.

Sans que plaisir elle ait apporté nullement

A l'homme pour flairer et voir premièrement ;

Tels sont les fruits nouueaux qui donnent espérance

De se faire cueillir bientost en abondance ,

Quand des Scythes transis le souffleur importun

Tous les arbres chargés croule iusques à vn ,

Et déterrant enfin l'esbranlee racine,

D'vn effort tonnerreux les renuerse et ruine ,

Ou quand vn tourbillon brazille et cuist les fleurs ,

Ou bien haie les fruits et pourrist desia meurs,

Fraudant le long trauail et debaucheant l'atente

Du triste iardinier qui s'en deult et lamente.

D'ANDRE DE RlVAVDRAV. 141

0 Dieu , ie n'auray donc la bénédiction Que ta main saincte espand sur la conionclion De l'homme et de la femme? 0 Dieu, nulle lignée Pourra sortir de moy qui te soit destinée, Comme mon père fut, et comme fut celuy Qui apaisa naissant de sa mère l'ennuy. Lorsque Dieu visita la foy Abrahamite, Lequel creut que seroyt sa semence beneite, Et qu'il luy fust prédit sur le val Mambrien Que Sara passeroit l'honneur Agarien, Et combien que des mois la source naturelle Par le nombre des ans se fust tarie en elle, Combien qu'apparemment très-impossible il fust Qu'après quatre vints ans encore elle conceust , Son ventre s'ouuriroit, et les Isaacites Entreprendroyent les droits des fiers Ismaélites. Aa, filles, plorons donc, plorons, il est très-vray Que pareille faueur iamais ne receuray.

0 rage, ô cruauté, la condition mienne N'aconsuiura iamais la Bathuëliene, La niepce de Nachor, qu'vn fidèle semant Par son maistre obligé d'vn gardable serment, Fut quérir bien fort loing pour elle faire naistre Le nombreux Israël à Isaac, son maistre, « Suiuant la voix de Dieu, qui guide le veil sien « Irretractablement d'vn éternel lien. » 0 Lia, ô Rachel, ô toutes deux heureuses. Vous ne sentistes pas mes peines douloureuses ! Pour chascune de vous lacob seruit sept ans. Et ne s'ennuya point de ce double long temps;

14â PREMIER LIVRE

Mesmement pour Rachel , et luy fut court ce terme ,

Car il portoit au cœur vue amour grande et ferme ,

Et très-bien employé son seruice estimoit,

Quand, content, il iouit de celle qu'il aimoit!

Comme communément vne chose espérée

« Plus attendue el e est, plus elle est désirée;

«' Mais personne ne peut de moy rien espérer, •>

M l'atendre long temps et plus le désirer.

Pourtant Rachel n'estoit ni de meilleure race

Ni de parens meilleurs , ni aimable sa face

Plus que la mienne estoit, ni tout cela qui peut

Contenter vn mari tel que son lacob fut.

Rachel n'eut onques rien plus que moy désirable,

Fors sa condition , qui ne fut pas semblable

A mon cruel destin; son ventre généreux

Tige d'vn peuple grand, fut beaucoup plus heureux.

Mais ie semble, ô fureur! aux aubespins stériles

Qui paroissent floris entre les rencs fertiles

Des pommiers porte fruit, dont le courroucé bras

Du maistre fait verser les cimes contre bas.

0 bon Dieu, ie despit me tranche la paroUe, Et peu s'en faut ma vie auec la voix s'enuole. Il est tant d'autres maux qui, combien qu'ils soyent grans Combien que leur riguœur dure par beaucoup d'ans , Qu'après auoir souffert, on espère ressource, Car le temps passager en son isnelle course « Altère et tourne tout, -et le très-amer fiel, « Par le tour des saisons se radoucist en miel , « Le miel en amertume, et la nature et estre « Des choses se refond, car le temps est le maistre.