TRÈS-ILLVSTRE ET TRÈS-VERTVEVSE ROYNE DE NAVARRE
)A Dame, tous ceux-là qui consacrent aux grans Leurs escrits sérieux , les sçauent ignorans, Et si ne les font pas iuges de leur doctrine, Mais ils pensent cecy, que leur grandeur est digne Des Muses, ou plustost enseignent aux seigneurs D'auancer les sçauans aux biens et aux honneurs; Et, en particulier, attendent récompense De leur docte labeur, d'vne vaine espérance Dont ils restent trompés, et mieux il leur vaudroit S'en adroisser à tel qui leur cause entendroit. Et, bien que d'ailleurs fusl sa puissance petite, Certes peust dignement estimer leur mérite. L'honneur soustient les arts, le vertueux désir De louange adoucist le trauail en plaisir. Maisquoy?lapoureté, presque aux doctes commune, Assise en leur fouyer, les foule et importune ,
38 A lANNE DE FOIX.
Et très-mal-aisement maints se peuuent sauuer, De qui ce monstre laid fait les vertus couuer. Car de ce temps les mains des Princes sont fermées , Aux sçauans, et sont peu les lettres estimées : Barbare chicheté ! les finances des Roys Seruent aux carneuaux, aux lices, aux tournois. Les mignons d'Apollon , accroupis aux estudes , Façonnent les leçons de leurs escholiers rudes : Qu'on pourroit employer aux affaires d'estat, Ou celles qu'aux palais, en iustice on débat , Ou grans Ambassadeurs d'vne graue éloquence Discourir sur la guerre ou sur la patience ; Mais on auance là ceux qui sçauent vn peu , Gens qui ont bonne mine et souuent mauuais ieu.
le ne parle pour moy, qui , par la prouidence De Dieu , me trouue hors de toute cette dance. le ne suis souffreteux de ma condition , Et n'ay besoin de mieux ; puis , franc d'ambition , le mesprise la gloire et l'honorable peine De monter aux honneurs d'vne atendante aleine. l'ay aprins les faueurs des Roys et de la Cour, Pratiquées longtemps, se passer en vn iôur. Quand elles dureroyent, qu'il est mal-aisé suiure Tout ensemble la Cour et ensemble bien viure. Que les conseils des bons n'y sont si tost receus Que des meschans par qui les Princes sont deceus; Et quand l'ame i'auroy haute et ambitieuse, Et quand i'auroy la main très poure et disetteuse, Neantmoins si i'estois vn petit vertueux, I'auroy bien rencontré remède pour les deux
A lANNE DE FOIX. 5»
En votre Royauté, qui, de sceptre et couronne Semblés les autres grans, et non de la personne; Miroir des bonnes meurs et de la pieté, Suyuant les pas d'Astree et la droicte équité; Très-liberale aux bons, aux meschants rigoureuse, Amie des soauans , sçauante et vertueuse , Vers qui ni les plaisans, les poètes, ni flatteurs, Ni ces trouueurs d'argent, ni ces grans prometteurs Ont fauorable accès ; mais ceux dont la iustice Vous est bien aperceuë , ennemie du vice. Mais faut-il discourir si longuement vn fait Esprouué par les bons, que tout le monde sçait? Il suffit que cela m'a fait vouer mon liure A vostre maiesté pour plus seurement viure Soubs si digne faueur, qui sauez estimer Les escripts saints et bons, les louer et aimer ; Qui taxe la bonté d'vne fauce sagesse, Et l'estime souuent au prix de la vieillesse : Comme les vieux escus, les poèmes plus vieux, Il tient pour les meilleurs, plus chers et prétieux. C'est tout , ie veux pourtant vous aduertir d'vn cas , Le iugement du peuple ici ne suyués pas, Il hait les nouueautés, et les plumes Grégeoises Et Romaines il met au dessus des Françoises. Il faut en préférant les estrangers aux siens. Et aux doctes nouueaux les resueurs anciens, le croy qu'il y en a , dont la troupe est petite , Qui de tous ces premiers esgalent le mérite. le ne mets en ce ranc vn monde d'escriuains, Qui de mille cayers nous barbouillent les mains. Ne seruant qu'aux beurriers et aux fripiers libraires ,
40 A lANNE DE FOIX.
Aux merciers , aux grossiers et aux apothicaires.
Mais certes il en est qui aux langues et arts
Nous rendent les esprits de ces diuins vieillards ^
Soit, si ie l'ose dire, en la théologie,
Ou en la médecine ou la philosophie -,
Et de ma part ie veux, tant que ie puis tascher,
Quelques fautes fuir, ou ie vois trébucher
L'Euripide ancien, dont le grand Âristote,
Très-seuere censeur, le chastie et le cotte-,
le ne veux suyure Plante en ce qu'Horace a dict
Estre en luy vitieux , rabaissant son crédit.
Mais de ces repreneurs les plumes trop hardies
N'eussent peut-estre fait de bonnes tragédies ,
Et aussi n'entrepren-ie au langage estranger
A ce prince tragic de me comparager.
Bien que i'escrive en grœc, et bien que ie l'entende,
le ne sçaurois pourtant faire vne œuure si grande;
Mais ie veux en ma langue oser, audacieux.
Faire entendre qu'on peut tout autant que les vieux.
Lorsqu'ils ont le mieux faict, sans ensuyuir pour guide
En ce qu'ils ont failly Plante ni Euripide.
Quoy! chascun dict ainsi, et chascun se promet,
Fauce témérité! d'ataindre le sommet;
Tous brouillent le papier, tous se meslent d'escrire.
Et des hommes cecy presque est la faute pire.
Moy-mesme qui me di escrire point ou peu ,
Auant l'aube du iour ie demande du feu ,
le demande vne plume, et de fascheuse grâce
Vint suiets entrepris ie renuerse et retrace;
le hurte le poupitre et mordille mes doits,
le tien la veuë basse, et haute quelquefois;
A lANNE DE FOIX. 41
le suis impatient, ie rechigne et me ride : Or ie veux commenter l'Electre d'Euripide, Or ie veux eclarcir les grans thesors des Grœcs , Ores des liures saintz les plus rares secrets. Comment! vn autre ouurier ne prendra la boussole , Ni le cadran, craignant de mal jouer son rôle, Celuy n'ordonne pas le cirop incognu Au malade, qui est pour artizan tenu, Car c'est aux médecins à composer les doses De casse et d'agaric et de pareilles choses ; Chascun fait son mestier, mais les sages et fous, Les bons et les mauuais escrivent presque tous.
le ne veux pas toucher les humeurs des poètes, Leurs cerneaux esuentés, leurs trop légères testes, Leur vie trop oisiue, ou leur condition Chetiue et affamée ou leur présomption.
le diroy seulement qu'on iuge le poète Non pas tant par les vers que le suiet qu'il traite ; Empedocle se doit philosophe nommer, Thëognis ne se doit poète surnommer, Ni Phocylide encor, Lucrèce , ni Pontan , Ni Candre, ni Lucan , ni mesmes Opian ; L'vn traite la nature et vn autre l'histoire; L'autre enseignant les meurs a auancé sa gloire. Autres sont les discours de la folle Sapphon, De Stesichore, Ibyc, du chauue Anacreon. le veux de ces premiers surpasser le mérite, Non pas par mon sçauoir, car ma force est petite ; Mais par le puissant nom de ce très-grand seigneur Dont ie chante les faicts, la victoire et l'honneur.
42 A lANNE DE FOIX.
Ma Dame , ce nom-là m'aporte confiance Que soubs vostre faueur la Nauarre et la France Receuront mon labeur, et verront quelquefois Mon liure bien venu aux familles des Roys.
ÂVANT-PARLER
D'ANDRE DE RIVAVDEAV
