D'ung tel marchant

Ainsi marchant,

Ce n'est que ordure,

Le bien cachant^ 255

Le mal taschant ;

Je n'en ay cure.

Gueres ne dure

Vostre amour dure.

Ne le vostre vouloir meschant, 260

v° Dont Jïnablement je procure.,

Sans faire noyse 71e murmure.

Nul ne s'endorme a vostre chant ! »

L'AxMANT

2 5. « Helas ! helas! je ne scay qui vous meut

D'ainsi parler. Le cueur qui trop s'esmeut 265

A peine scait qu'il doit dire ou desdire.

Se ung vray amant fait du moins mal qu'il peult,

Et de douleur tresgriefvement se deult

Par bien aymer., y a il que redire ?

Jamais de vous on ne m'ouyt mesdire. 270

Mais., sur mafoy, la crainte d'ennuyer

Si m'a gardé d'aller vers vous reduyre

Le mal que j'ay, qui n'est d'huy ne d'yer.