CHAP. XLIV
Conment le roy seult que il avoit perdu sa femme et son enfant par mauvaise traîson.
fV. 41 53-42'; 8.)
Quant ces trois seigneurs entendirent le roy ainsi parler, ils furent si esbahis que ils ne savoiient que penser, et reghardoiient 11 ung Tautre comme tous efireez sans mot dire. Adont parla le senescal d'Escoche et dist : « Ha ! tresredoubté sire, qu'esse que vous nous dittez? Guidiés vous que nous n'ayons acompli le conmandement que vous nous feistes par le message que nous vous envoiiames? Sans double si avons. Et pource que la vérité volons savoir du cruel mandement que vous nous envoyastez, sont ychi venus tous ces barons et chevaliers pour le vous oïr recorder. » « G>nment i » dist le roy. « Ne vous mandaige pas escript de ma proppre main et le seellay de mon seel, que vous me ghardissiez bien ma femme, et que tout son plaisir li feissiés? et dece que elle avoit porté en son ventre a mon retour j'en ordonneroie par bon (f, 106 ') conseil, pource que vous m'aviez escript que me femme s'estoit acoochie de la plus difformee créature et de la plus laide beste qui oncques fuist veue au monde ? Car par vos lettres vous disiés que il estoit velus comme ung ours, et si hideux que Kaveroye oreur du dire. Dittes moy ou est ma femme, car c'est tout mon désir, et que vous en avez fait. Et se vous ne le me rendez, je vous courcheray. » Ces troix chevaliers oans le roy furent plus esbahis que devant, ne apaine pooient il parler de honte et d'angoisse. Nifintmains le senescal d'Escoche reprist la parolle en disant : « Ha! tresredoubté sires, et qu'esse que vous nous dittes? Tout le contraire dece que vous nous dittez estoit escript en vostre lettre, ne ce n' estoit point de vostre main. Mais veuilliés Mvoir que oncques je ne vous escripsi ce que vous avez chi accordé, mais vous escripsi que madamme la roynne vostre femme estoit acouchie d'un biel enfant que nature fourmast oncques, et que elle en estoit délivrée a tresgrant joiie et que ja elle estoit en tresbon point et que nous aviesmes fait son fils et le vostre bapti* ùer et lui aviesmes mis non Jehan. Et surce vous nous escripûstes, vechi mes compagnons qui le sevent, que tantos vos lettres
332 LA MANBKINB
veuez nous feissiemes ardoîr vostre femme et sa portée. Car vous aviés tant aprins d'elle que jamais n'en voUiés oir parler. Et a celle fin que mieulx en soiiés certain, vechi encore vo proppre lettre et vostre proppre seel. » A ce root tira le senescal la lettre, si vit le roy son proppre seel, dont il fu moult esbahis, et advisa que la lettre estoit de telle fechon que celle que son senescal lui avoit envoiiet en Franche, et escripte tout d'une main. Et lors le luL Et quant il Tôt lut, si fu tant esbahia de hide et de paour de sa femme, car il quida que elle fuist morte par ceste tralson, que il se laissa cheoir a terre comme tous pasmez. Adont le seneschal Tembractia, et H dist : « Sire, pour Tamour de Dieu confortez vous, et je vous diray que nous en avons fait. » Se lui conmencha a recorder tout ensi que fait en avoient, (') conment ils le avoiient remis en sa nef, en laquelle elle estoit venue en Escoche, et des ymages que ils avoiient ars. Et quant le roy ot tout ce entendu, il fut tant dollans que les grosscz larmes lui cheoient des yeulx a si grant cours, que il n'estoit homme, s'il le veist, qui n'en euwst pité. Et la autour de H plouroiient barons et chevaliers tant piteusement que nul ne le vous diroit. Et avoiient tous tresgrans merveilles dont ceste traison pooit venir.
