I. ce
LA MANEKINE 337
plaisir de Dieu ce que nous polrons nous vous aiderons. » A ces mes les remerchia et enclina la damme, en leur disant : « Grant merchi, seigneurs! Et Dieux le vous voelle rendre! » Adont se conmencha elle ung peu a reconforter, et bien veoit que elle estoit escheue en mains de povrez preudhommez et que il lui convenroit quérir son pain. Neantmains elle en estoit encorez treajoieuse et en looit Dieu et sa mère. Si prinrent ces pescheurs sa nef et le atacherent a le leur, et puis se mirent par forche de aviron au retour en reconfortant la damme et son enfant et en avisant son maintieng et sa contenanche, et bien se perchurent que elle n'avoit que une main, dont li un 11 conmencha a enquérir de pluiseurs chosez, et dont ce venoit que elle n'avoit que une main. Mais oncques a ce pourpols riens a la vérité ne l'en respondit, ains plouroit si fondanment que ils en avoiient tous pité, si le laissèrent a tant de en plus enquerre, et pensoiient que bien y recouveroient. Advint ensi, comme ils tendoîient moult fort au retouTt que un tresnotable riche et puissant sénateur de la chité de Romme, lui et ung (/. tog ') sien vallet bien montez sur deux pallefrois, s'estoit partis de la chité sur le matin, et chevauchoit sur la rivier pour sa plaisance. Et dist l'istore que il estoit moult anchiens et n'avoit point de femme, car il estoit vesve, mais il «voit quatre fillea dont lez deux estoiient mariles moult notablement e( puissanment, et les deux aultres estoiient encorez a marier, si lez tenoit en son hostel en tresgrant estât et sumptueulx. Et dist encore l'istore que c'estoit l'homme en la chité qui eatoit !e plus reconmandé de sens, de valeur et de richesse, et que cascun l'onnouroit et prisoit pour la debonnaireté dont estoit plains. Ensy comme cestui bourgois cevauchoit comme vous avez oy, il perchu ces pescheurs de loing qui retournoient, si pensa prestement que il yroit vers eulx, assavoir se il avoiient de bon poisson a vendre. Si le fiât ensi, et quant il fii auque priés d'eux, il perchut la damme qui estoit entre eulx tenant son petit enfant entre ses bras, laquelle estoit vestue d*une moult riche robbe, dont il fii moult esbahis. Si s'aprocha d'eux au plus priés que il peult, et puis leur demanda quelle marchandise ilz menoient et qui estoit celle damoiselle qui si fort estoit esplouree ne dont elle leur venoit. « Car, * disoit il, « je voy bien que elle ne vous appertient <le rien adcause de ses habis qui sont trop sumptueux au reghart de ceulx que vos femmes portent. » Adont li ung, qui le mieulx emparlé estoit, li respondi : « Sire, par ma foy, nous l'avons huy matin trouvée en ceste rivière sans aviron et sans voile, et le menons en la chité pour lui aidier, ensi que requis nous en a. Msis elle nous a donné sa nef et ses habis, par condition que elle ^^ ait aulcuns de menre valeur. Et sachiés que nous li avons
aa
338 LA MANfiRlNB
enquis dont elle est et qui elle est mais nous n'en avons peu riens savoir, ne de son anuy ne nous a riens volu dire, fors seuUemetit que elle nous à dit que plus dece ne li enquêtons, car réconforter ne li en sarions. Et pource que sa robe est trop noble, nous H en querrons une de plus petit pris, ne elle ne voelt que il lui remaint aultre chose du sien fors seullement son enfiint et ung anelet de fin or que elle a en son doit, par lequel elle dit que souvent elle se reconforte. Ne ja * n*en (^) savons aultre chose. Vous li poéx demander et enquerre, s'i vous plaist. Et bien sachiés, ne savons par quel accident elle n*a que une raain. « Le sénateur oans la merveille que cestui li contoit fu moult esmervellliés, et prestement en reghardant la damme une tresgrant pi té lui ala ferir au coer, cmr il pensa prestement que c'estoit aucune damme ou damoiselle a qui on avoit a tort fait aucun desplaisir. Si pensa prestement que i Tacheteroit a ces pescheurs, comme il fist, par une somme de deniers, ensi que vous orez.
