femme 3. le

LA MANEKrNE 34 I

paour que sa femme ne fuiat perie et perdue par les ondea de la mer, qui sont a le fois si merveilleuses que nul ne le saroit dire, et n*est si sage qui remède y sache mettre si non la grasce de Dieu, laquelle chose il sara merveilleusement. Car nostre histoire dist que il fu le terme de sept ans en la mer, la ou il souffri tant de doleur et de paines, tant par les tempestes de la mer, tant par larons et piratres et ossy gens estranges la ou il s'embati et ariva» que y n*est homme mortel qui la moitié vous en seust dire. Et dist nostre histore que par pluiseurs fois ils ariverent entre gens si divers que ils ne savoiient se c'estoiient bestez sauvages ou gens, puis estoient tellefois entre serpens, lyons, tigres et griffons, qui tant de dangier leur faisoiient que ce seroit une droitte pité du recorder. Car des parties d'occident dont ils se partirent ils avironnerent le monde en la partie de midy, de orient et de septentrion. Et n'estoit ville, ille, cité ne paiis la ou ils ne tournaissent, tant que aller on y peuwist, et que enqueste dece que ils demandoiient ne feissent. Si advenoit > souvent que on ne les entendoit point, ne par signe ne aultrement, dont vous poêz bien croire que ils avoiient grant doel et grant anuy au coer. Une aultre fois on les recachoit et rebouioit en la mer malgré eulx, aultre fois ils estoient asalis, se convenoit que ils se dépendissent a grant meschief, et aultre fois ils estoiient en telz * périls par les orages qui souvent se font en la mer, et bien souvent ils perdoient et leur mast et leur voiles, et se ce ne fust la benoîte grasce de Dieu, jamais n'en fuissent retournez. Mais comme dist l'apostle : Si Deus pro noHs, quis contra nos ? et c. a Se Dieu est pour nous qui serache qui sera contre nous? » ensy estoit il du bon roy. Car quoy que celle paine il sou£fresist, si estoit tousjours Dieu aveuc li^ qui le conduisoit et confortoit par son benoit angle. Et ossy (') il ne l'oublioit jour que il ne le requesist et priast en larmes et en pleurs tant dévotement que il pooit. Helas! lez piteux regrez que il faisoit! Je quide que, qui tous les metteroit en escript, que ce seroit une longhe chose. Mais nous nous en passerons en brief pour no matere ataindre, car la proilizité du tamps et du conte polroit bien tourner a anuy. Neantmains tant dévotement et tant humblement de jour en jour et de heure en heure il requeroit la glorieuse mère de Dieu, en laquelle il avoit sa ferme fianche, que en fin par sa benoitte intercession, comme raconte nostre histore, il fil reconfortez. Car apriès ce que ils orent tant esté sur la mer, et que plus ne savoiient ou tourner ne aller et que ils estoiient ancrez pensant auquel lez ils tourneroient, il ^ leur vint