I. ilz

et parassent chambres et banquiers au mteulx et au plus gentement que elles peussent. « Car, > disoit il, c j*ay encourent maintenant a ung homme d'onneur qui de chi se départ de loghier en cest hostel son seigneur le roy d*Escoche et d'Irlande, lequel, je croy, ne tardera ghaires que il venra. » Quant damme Msnequine, qui la estoit venue aveuc les filles du sénateur par son conmandement pour faire ce que il leur conmandoit, oy parler conment le roy d'Escoche deroit venir en cest hostel, comme toutte effireee > de doUeur, et ossy par la souvenance de la grant tralson dont elle avoit recheu la paine, comme vous avez oy, elle chey comme pasmee et perdi sa forche de parler par une bonne espasse de tamps. Dont li seneschal et ses filles furent moult esbahis, si le levèrent au plus tos que ils peulrent, mais elle avoit le coer si seré que elle ne pooit ung seul mot parler. Neantmains, quant sa forche lui fu revenue, elle conmencha si tresfort a plourer que c'estoit une merveilleuse merveille de veoîr les grosses larmes qui li cheoient des yeulz, et detordoit ses poings si piteusement que de la grant pi té que le sénateur et ses filles avoiient ils plouroiient aveuc elle, en le reconfortant et en li demandant pourquoy elle si soudainement menoit {f, iz3 *) si cruel doel. « Ha ! » disoit le sénateur, « demoiselle, pourquoy tourmentés vous ensi vostre coer par si grief pleurs et gemissemens? Certes, c*est tiesmal fiait ! Pour Dieu, confortez vous, et nous dittez la cause de vostre si soudain desconfort! » Adont la damme, quant elle peult parler, si li dist : « Ha treschier sire, maintenant convient il que je vous diie vérité. Et pource je vous priie que par vostre grasce il vous plaise a ce tresgrant besoing moy aidier, car par mon serment je vous diray ce que oncques a personne je ne dich. Sachiés, sire, que, quant je vousoych ofe parler de ce roy d'Escoche, je en euch telle paour que je ne me seuch conment contenir. Car je Sfay de certain que, se il vient chi et il me tient en lieu ou en p/ace la ou il en ait le pooir, il me fera morir honteusement. Non point, foy que je doy a Dieu mon créateur ! pour chose que oncques en ma vie je le desservisse en nulle manière quelconque, mais il advient souvent en court de roy ou de prinche que tel n'encoert en nul pechié qui moult a a porter et a souffrir par mauvaise tralson. Et ce m'est advenu en sa court, en laquelle j*ay aultrefois demoré. Et sy vous promech par ma foy que en lui je trouvay moult de biens et que il m*amoit sur toutte riens, et ossy faisoige li, mais par faulx mauvais mesdisans je suy tellement vers lui grevée et si tresmervellleusement traye et tourblee que il me conmanda a ardoir et a estre reduitte en cendres. Dont il advint que celui auquel il le conmanda en ot telle