CHAP. LIV

Conment le roy recongnut Taniel dont il avoit jadis espousee madamme Manequine sa femme.

Tantos que le bon roy fu assis et son hoste dalez lui, on le conmencha a servir moult honuourablement et largement, comme a eulx appertenoit, car ils avoiient tresbien dequoy. £t tandis comme ils disnoiient et que ils parloiient d'un et d*aultre, Johannès Tenfant monta les degrés de la chambre la ou dame Mainequine sa mère estoit qui moult grant doel faisoit. Tantos que il vint devant sa mère et il le vit plourant, il conmencha ossy a pleurer et a demander a sa mère pourquoy elle plouroit,et lui dist : « Ha l mère, ne plourec plus, et vous en venez en la salle la bas veoir le roy d'Escoche qui siet a table aveuc mon père le sénateur. Cuidiés, ma mère, que il est biaulx et que il a de biaux hommes aveuc li qui le servent a table. » A ce mot la damme conmencha de plus fort a pleurer, et tant que les ûlles du sénateur dirent a Johannès que il se apaisast et que il faisoit pleurer sa mère. L'enfant qui ne pensoit a riens, fors adce qui li venoit devant, vit que sa mère avoit ung tresbiel aniel d'or moult reluisant en ses dois, se y gitta ses manettes et tira tant aulx dois de sa mère que il eult cel aniel. Et la damme pour Tanuy qu'elle avoit ne s'en perchut oocques. Car son doel Û estoit si grant que elle ne pensoit a rien que l'enfant feist. Prestement que Johannès tint cel aniel, il se mist au descendre les degrés que il avoit n'a ghaires montez, comme vous avez ojf, et s'en vint en la salle la ou le roy seoit au disner, et fist tant que le roy le pooit tresbien veir. Et lors il conmencha a gitter cel aniel {/» ti5 *) en hault puis cha puis la et a le recoellir

348 LA MANEKINE

comme ptr eartnce, et tant le gitta que il quey une fois sur la table droit devant le roy et, comme je quide, en Tun des plas la ou la viande eatoit. Et prestement le roy le perchut, qui tantos y gitta la main et le print, et moult fort le conmencha a regharder et a aviser. Et comme plus le reghardoit, et plus pensoit, et puis de fois en aultre reghardoit cel en&nt, et ne savoit que penser Mais tresbien lui sambloit que aultrefois il avoit tenut et veut cel aniel. Et tant fort pensoit ace que il en oublioit son mengier et son boire, tant que le sénateur s'en perchupt. Si dist au roy : « Sire, je quide que cest enfant vous traveille. » « Par ma foy. biaulx hoste, non fait, mais le voy tresvolentiers, si vous priie que vous le laissiés en ma présence, et vous me ferez ung tresgrant plaisir. » Ensi et par tellez paroles passèrent tout le disner, mais tousjours le roy pensoit a cel aniel et le tenoit en sa main. Et renfimt l'avoit ja oubliftt, qui plus de semblant n'en moustroit, mais se juoit autour de la table aveuc lez serviteurs. Et le roy nullement sa veue hoster ne pooit ou de lui ou de Taniel. Et tant regharda le roy cel aniel que totalement il ne peult plus mengier, tant que encores une fois le sénateur le remist encores a raison, et lui dist : « Fir ma foy, sire, je m'esmerveiUe pourquoy vous reghardez si ententivement l'aniel a l'enfant. » « Par ma foy, biaulx hostez, » ce respondi le roy, « je le vous diray. Je vous priie que vous me dittez la vraye vérité, se cest enfant est vostre, et dont vient cel aniel. Car, par ma foy, je ne seray jamais aise, tant que j'en seray la vérité. » Respondi le sénateur : « Par ma foy, sire, ma femme porta cest enfant en ses costez, et si est cest aniel sien, et dece vous ay je dit vérité. » Et ce disoit le sénateur a bonne foy, car il les avoit achetté, comme vous avez oy par chi devant, aux pesqueurs qui trouvé l'avoiient en la mer, si les tenoit le sénateur siens « a bonne cause. Quant le roy entendi le sénateur parler, si ne seult que respondre, et lors perdit il tout son espoir, si conmencha moult fort a plourer et a soupirer, tant que apaine se savoit (▼} il consoUer *. Ftnablement il fist hoster les tables, apriès ce que ils orent lavé leurs mains, mais toudis pensoit a cest anel et le tenoit toudis en sa main, ne nullement semblant de rendre n'en fkisoit, mais le reghardoit de fois en aultre tresententivement. Et tant le regharda que il pensa que encore une fois enquerra a son hoste sur son serment dont cest aniel lui vient Car pour vérité le coer lui dist que c'est le proppre aniel dont il espousa jadis madamme Mainequine sa femme.

1 sien