lieax

356 LA MANEKINE

fin que mieulz et plus agréable il peuist avoir la graace de noatre sire, il se tint en tresgrant affliction de coer, en soy repentant tresgrandement et en soy recongnissant trespovre pescheur, jusques a ce joeudi. Et tant que, quant ce vint le joeudi au plus matin, il se leva, et a toutte sa compagnie dont il estoit moult noblement aournez s'en vint au moustier saint Pierre* la ou le assamblee de nostre saint père le pappe et des cardtnaulx se faisoit, et prist son siège ensi que a H appertenoît. P^iUement le roy d'Escoche et madamme Manequine sa femme aveuc leur filz Johannez» leur gens et famiUez s'en vinrent a laditte église et prinrent place au mieulx que ilz peulrent. Car il y avoit tant de ducs, de contes et de prinches que merveilles seroit du recorder. Néantmains furent (^} ils assis ass^ priés du pappe et par espetial du roy de Hongrie, père a la damme Manequine, combien que riens ils ne savoient Tun de l'autre, ne ils ne s'entrecongnissoiient de rien. Adont quant touttes manières de gens furent assamblés et aûné i, nostre saint père le pappe Urbain conmencha a remoustrer la sainte parolle de Dieu tant notablement que il n*estoit homme ne femme qui Tolst, que il ne se esmeuist a dévotion et a repentanche de tous ses pechiés. Et véritablement l'istore dist que c'estoit ung tressaint et dévot homme. Et je acteur ay trouvé par aultres histoires que il fist moult de biens en son tamps, ne oncques en sa viie ne doubta la mort pour le bien de l'église soustenir, et bien le moustra contre le roy de Franche Phelippe, lequel il fist ezcommeniier en Franche et en Bourgoingne, comme diient lez histoires, pour le pechié que il faisoit de ses concubines. Chils pappe Urbains fu premiers moisnez de l'abbeye de Cligny, depuis il fil evesque d'Ostie çt depuis pappe. 11 tint ung conchil a Clermont en Auvergne, la ou il y eult quatre evesques, cent abbez et dix mille que moisnes que clercs; ouquel conchil mut une tresgrant controversie a le cause de l'evesquié de Cambray, laquelle cause je laisse pour cause de briefté, et veulz revenir a no pourpois. Dist nostre histoire que, tantos que nostre saint père le pappe devant dit ot fait fin a son sermon, le roy de Hongherie se leva et vint droit devant le pappe, si conmencha a parler si hault que tous le pooient bien entendre, en soy confessant de tous ses pechiés. Et en ses pechiés recordant il vint a parler de sa fille, tant que il conmencha a recorder du tout en tout conment il avoit traitiet sa fille, tout ensi que il est contenut ou proches de la matere, sans y riens oublier, ne aulcune chose quelconque. Et quant