le m] la
LA MANEKINE
Mainequine nommé Johannez, ils descendirent des nef et entrèrent en la chité de Berulc. Mais a tresgrant paine peurent ils passer les rues pour la grant multitude du peuple qui y estoit, ne jamais on ne vous aroit racompté le joiie que ils faisoiient, et convint par fine forcbe que le roy se mesist aulx camps pour le peuple consoUer de sa presenche. La venoiient ces nobles seigneurs, qui festioient leur seigneur et tout le leur lui ' offroient, tellement que le roy de Hongrie en estoit tous esbahis, ne jamais il ne euwist crut que on lui deuist faire tant de feste. Et ces gens de tous costez s*efforcboiient de eulx mettre audevant pour veir leur dame, pource qu'elle ravoit sa main par miracle, ensy que vous avez oy. Dont il^ looient nostre sire en joindant les mains vers le chiel, en plourant de parfaitte joiie, et la s'esmouvoiient l'un l'autre au plourer et larmiier, que il n'est homme si dur qui ne s'en atenrist pour la merveille que c'estoit. En ceste ville furent ils troix jours, et puis s'en partirent et en allèrent a Doudieu et de la ens es aultres villes du pays, ou ils furent par tout rechupt en grant triumphe et honneur. Et chi dist l'istore que la première chose que la damme Mainequine demanda, ce fu de la mère du roy. Mais quant elle seult que elle estoit trespassee en prison, elle en fu moult dollante, car elle avoit en volenté de le mettre hors de prison et de 11 pardonner et elle remettre en estât deuu. Quant touttes ces visitations furent faittes, qui tant grandes furent que nuls dire ne le seroit, le roy fist ung jour semonre tous ses barons et fist criier court ouverte. Laquelle fu tenue tant grandement que oncques on n'avoit veu la pareille en Escoche, et ce fist il pour palier a son peuple sa bien revenue. Âpriès laquelle feste passée et acomplie il donna congiet a tous et leur donna de moult biaulx dons, et ils s'en râlèrent cascun a leur cascune. Et le roy et la roynne se tinrent ensamble tant (^) que nostre seigneur leur envoya pluiseurs enfans, et dist l'istoire que ils eulrent troix fils et deux filiez. Et furent ces troix fils tous troix rois de tresgrant renon, et moult exsaucerent la loy de Jhesucrist. Et les filles furent mariées cascune a ung roy, si furent roynnes, l'une d'Engleterre et l'autre de Portugal. Dieux leur fâche a tous vraye merchi, car ce furent tresvaillans gens. Je me tatray a tant de eulx en vous remoustrant que créature se doit tousjours retourner en ses tribulations a nostre seigneur Jhesucrist sans soy désespérer. Car qui se desespoir, il monstre signe que Dieux n'est point tout puissant. Prendez en gre ceste matere, telle que je l'ay sceuu composer au conmandement de mondit seigneur Jehan de Croy devant dit. Laquelle vous plaise benignement corigier et ma simplesche excu-
