CHAP. III

(/. 7J ') Conment la roynne de Hongherie trespassa de

ce siècle, et de son ordonnance.

(V. 6o'ii6).

Le roy Salomon de Hongrie, mariés et adjoins a ceste noble damme comme vous avez oy, fu Tespasse et terme de dix ans aveuc elle, que ils n'eurent nuls boires fors une seuUe fille. Laquelle fille a. sa nativité, par la grant joye que les Hongrois et tout le pays d'environ y rechupt, fu nommée Joiie. En laquelle Joiie nature par la disposition divine mist > tant de biens que elle passa la roere en biauté, en bonté, en valleur, en sienche et en conditions. Car c'estoit la plus belle créature, la mieulx fourmee de tous membres que nulle riens sceuwist ou peuwist deviser ne regharder, souhai" dier ne penser. Et de tant que sa mère passoit touttes aultres dammes, passoit elle sa mère en toute manière, ne a son vivant ne fu damme tenue si sage, si belle, si bonne ne si france, comme estoit celle fille Joiie. Si ne fait point a croire du contraire que elle ne fuist moult amee du père et de la mère et ossy de tous les barons et nobles du pays, et sans faulte je quide que ossi estoit elle. Or vint que apriès le terme de dix ans acomplis la mort, qui n'espargne roy, duc, conte ne prinche, ne ne regharde forche, puissance, valleur ne eage ne aultre chose, fors a sa seulle et singulière volenté, vint assaillir ceste noble damme, la mère de ceste Joiie, tellement que en son premier sault elle le fist couchier en son lit moult tristre et moult malade, et puis li tolli la vie du corps. Mais ainchois (^) que elle passast cestui dolereux pas, et que encores elle se gisoit ou Ut mortel, le noble roy Salomon, qui tant Tamoit que homme