leur

280 LA MANBIONB

et fut une bonne espasse que il ne peult mot dire. Et quant i peult parler, si dist : « O vous nobles hommes jadis reconmandez entre touttez générations de sens et de valleur, ou avez vous maintenant pris ung si trespovre conseil, ne conment (/. 80 ^) oaasie vous penser oncques telle offensce, a Dieu et au monde reprouvable, que ung si noble et si puissant roy comme vous me tenez et faittes (car par vous et non aultrement je vis et règne en domination) prenge sa fille en mariage, et laquelle il a engenré de son proppre sanc, et volez que en lui meisme il remeche de nouviei génération, qui est cose défendue^ contre la loy de Dieu ? Sachiés que par ma foy je ameroye mieulz a morir, que il me convenist estre constraint adce faire. Si vous pri que dece ne me parlez plus, car je ne m*y polroy consentir. » Adont chils qui la parolle lui avoit propposee le reprist et dist en telle manière : s Ha noble et puissant empereur, roy et seigneur de grant seignourie , ces povres gens ychi (bien puis dire povres s*il sont denuez et orphenés de pasteur) ne polroiient souffrir que ils eussent domination sur eulx qu'il ne fuissent de bon sang. Et pourtant, chier sire, ils vous priient cest affaire et le vous lo6nt, et aveuc ce ils em prendent tout le meffait sur eulx. Et il leur samble et voira est que on puelt bien faire un petit mesquief pour eskieuwer ung plus grant. Sans nulle doubte, sire, faire le vous convient, puis que vos preias de sainte église le vous lo6nt, et sachiés de vérité que vos prinches et barons, chevaliers ' et escuyers vous seront contraires, se vous ce ne faittez. » Adont le roy, veant que tout son peuple du plus petit jusques au plus grant tout lui looiient cest affaire, et que ja de fait il le volloiient constraindre adce *, il s'avisa que il leur feroit une nouvelle requeste pour la chose prolonghier. Car on dist conmunement que un jour de respit cent mars vault. Si leur dist en telle manière ou samblable : < Mes vaillans, pnidens et saiges conseilliers, je voy bien que le bien et acroissement de moy et de mon reaime vous desirez sur toutte rien, et que ce que vous me dittez, c'est en intention de mieulx valloir. Je suy content de condescendre a vostre (v) vollenté. Mais je vous priie que dece faire vous nous donnez seullement ung respit jusques a la purification nostre damme qui sera le second jour de février. Auquel jour, s'aultre conseil ne vous sourvient, je suy prest et appareillié de faire cestui, ou de renoncbier a la dignité, et arez û puissance royalle en vostre main. » Ce conseil pleut a tous, et lui fii * acordez et jurez de tous, et ossi il leur bailla son serment solempnel.