CHAR XXVIII

Conment la damoiselle se plaindi au ro; de la deffense

que sa mère lui a voit faitte.

La damoiselle Jolie maintenant nommée Mainequine/tant dolente

que plus ne pooit, retourna en sa chambre, si se conmencha moult

fort par elle a plaindre et a dolouser, et disoit : c Halas! moy dol-

lante ! conment polroy je ja jour de ma vie escondire a mon chier

seigneur et amy ma compagnie ? {^) Lequel m*a par sa tresgrant

debonnaireté fait si grant honneur que il m'a gitté de dolereuse

povreté, quant par la mer je vinch et arivay en son realme. Et

par ma foy, je le doy mieulx amer que je ne fay sa mère, laquelle

par sa crudelité m'a fait une deffense si tressamere. Mais foy que

je doy a Dieu mon créateur et a la vierge Marie sa mère que je

croy, serch et aime , je H conteray toutte ceste deffense, et comme

je sui haye pour l'amour de li, a celle fin que, si lui plaist ma

compagnie pour soy recréer en aucun esbattement gratiduz, il me

sera bien deffendre a rencontre de sa mère, ne ja pour elle ne le

lairay. b En ce point demora la damoiselle et en ceste voUenté

jusques au troisime jour, que le roy revint ens es chambres des

damoiselles, touttes lesquelles lui firent reverenche et honneur

comme a li apertenoit. Et elle lui fist honneur, mais ce fu ainsi

que en soy hontiant, ne ne fist samblant de lui regharder, mais se

tenoit deriere touttes les aultres. Et le roy, qui pour aultre que

pour elle n'y venoit, le reghardoit, et a voit merveille dont ce ve-

noit que elle ensi se hontioit, si passa avant pour en veair vers

elle. Et lez aultrez lui firent touttes ' voye, et ensy comme il l'a-

prochoit, elle conmencha a trambler, pource que il lui souvint de

la deffense que la roynne, la mère du roy, lui a voit faite. Laquelle

chose veans, le roy fu moult esbahis, et bien lui sambla que elle

fuisist a mesaise, ossy comme elle estoit. Si lui demanda tout

prestement en disant : « Damoiselle, vous fault il quelque chose i

Il m'est advis que vous avez aucune chose au coer qui vous des-

plaist, car je vous ay veu changier la couleur de visage ace que je