CHAP. XXXIX

Conment le message de requief vint a le malle roynne, qui de requief le dechupt encore une fois par une aultre fausse lettre.

Quant cestui message ot rechupt ceste lettre du chevalier, il se mist au plus tos que il oncques peult au retour, et fist tant par ses journées que il revint en Escoche, si se tray devers la mère du roy, ensi que encouvent lui avoit euu, quant il fu vers elle l'autre fois, comme vous avez oy. Si en fu laditte roynne moult joieuse et lui fist (V) tresgrant chiere et lui demanda des nouvelles de Franche. Et il lui en dist ce que il en savoit, et qui plus est, li dist que son fil le roy avoit acquis ung tresgrant pris et los entre les barons de Franche, et se lui avoit ariere bailliet sez lettres pour

LA MANBKINE 325

porter a son seneschal d'Escoche. Et encorez lui avoît il chargiet que il lui desî»t de bouche que, tantos que il lui bailleroit ses lettres, que il ne laissast pour riens et sur sa vie que il ne feist ce que la lettre devise. Adont la roynne ne lui enquist plus riens de tout ce. Car elle ne volloit point que il se perchust de chose que elle pensast, mais conmanda que on le tenist tout aise et que on li feist bonne chtere. Et de fait la roynne conmanda a son secrétaire, qui tout son malice savoit, que il feist ce que faire devoit. Si le fist ensi le mauvais secrétaire. Car il donna et fist tant boire ce meschant messagier et de si fort vin que il fu tout yvre et qu*i le failli porter couchier, se fu portez ou proppre lieu la ou aultrefois il avoit geu. Adont la malle roynne lui prist sa lettre; et quant la malle damme seult ce qui ens estoit, elle les gitta ou fil et en fist escripre unes aultres par la manière qui 8*enssieult : « Conon, roy dlSscoche, a nostre senescal salut. Nous avons recheu vos lettres et lûtes. Nientmains nous vous mandons et tresezpressement enjoingnons que tantos ces lettres veues fichiés ardoir en ung fu la Manequine et sa portée et que jamais ne nous en soit parlé. Car nous avons tant aprins de son estât et qui elle est que digne n'est de plus vivre. Et sachiés que nous sommez bien tnfourmé pourquoy elle a la main coppee, si vous soufisse a unt. Mais faitez que en sa mort n*ait nulle dilation, prestement que elle est relevée, si chier que vous amez vostre vie et nostre honneur. Escript et c. » Tantos que ces lettres furent ensi escriptez , la malle roynne les > reseella du seel du roy, et puis les remist en la boiste du messagier, qui dormoit si fort que oncques ne s'en perchupt. Si se parti la damme a tant jusques a l'endemain, que elle fist donner congiet au message, ne aultre chose ne li dist, fors seullement (/. i o3 ') que il fesist bien ce que le roy son fil lui avoit chargié. Si s'en parti a tant le message qui ja estoit délivres de son jrvrece, et fist tant par sez journeez que il revint a Dondeu. Et dist l'istore que quant il y retourna yl avoit demouré ou voyage troix sepmaines*, mieulx eult valut pour le pays du roy et de la bonne roynne Mainequine que il eust esté noiiés. Nientmains il donna ses lettres au seneschal, et lui dist que le roy lui mandoit que il sur sa vie ne laissast d'acomplir ce qui estoit en la lettre escript. Et le seneschal lui demanda que faisoit le roy. « Par ma foy, sire, » fait il, « je quide que il soit en bon point, mais je ne l'ay veu que une seulle fois. 11 me fist donner ceste lettre par ung chevalier qui me dist ce que je vous ay chi dit de par le roy. » Et vit le senescal que destoit le seel du roy. Et pource que ses deux compagnons n'estoiient point la, il atendi a