B, D, sanglot

En fin de foiblesse aggraué Auprès de la mer i'arriuay, 528 En m'y trainant à toute peine.

Le flot de la mer vient lécher En ceste coste vn grand rocher Dont le flanc luy sert de leuee, le vins là rendre les abois Dans vne grotte qu'autres-fois 534 Les Bergers peut-estre ont cauee.

Et pensant que là le sommeil Par pitié me deust fermer l'oeil :

Le fier souuenir que i'abhorre.

Et qui me tourmente si fort M'aprit que c'estoit à la mort, 540 Et non au sommeil de le clorre.

Car de cent pensers pleins d-ennuy. Qui s'amassèrent auec luy.

Sentant mon ame poursuiuie, le creu que pour sortir des mains De tant de bourreaux inhumains 546 II falloit sortir de la vie.

Pensers de ma mort seuls tesmoins (Leurs dis-ie) attendez pour le moins Que i'escriue qu'en ceste place Mourut vn si fidelle Amant, Et puis ie feray librement 552 Ce que vous voulez que ie face.